It(em) tvo(n)nisse tusschen janne de maegh in deen zijde en(de) denijse laukens/ in dande(re) alse van dien dat de voirs(creven) jan eyschte van denijse betalinge/ te hebben vanf xiiii pet(er)s te xviii stuv(er)s tstuck alse vander hue(re)n va(n)/ twee jairen die de selve jan in pijne en(de) arbeide aenden selven/ denijse in zinen hove te delbroeck verdiendt hadde p(rese)nte(re)nde/ dat met zijnre eed te verifice(re)n Dair tegen de voirs(creven) denijs/ dede zeggen dat hij den voirs(creven) janne in zijnen voirs(creven) hove met/ zijnre huysvrouwen die dair in kynderbedde bleven was/ op zinen cost gehouden hadde des hij nochtans niet sculdich en/ was van doene en(de) also en soude de hue(r) aen hem also hooghe/ niet konnen geloopen zeggende mede en(de) biedende te thoenen/ dat de vors(creven) jan gekindt hadde voe(r) goede mannen dat hij vanden/ selven denijse ontfanghen hadde xiiii peters den selven ja(n)ne
//
dat genoech kynnen(de) mair seyde dat hij van dien xiiii pet(er)s alleene/ gehaven hadde de viere in afslaghe van zijnre hueren en(de) dande(r)/ x hadde de selve jan belaten in p(ro)fijte des voirs(creven) denijs biedende/ van dien goed bewijs te doen So es ten uutersten gewijst/ dat de scepen(en) beghe(re)n bijden voirs(creven) janne van zijnen gebreke veri/ ficacie gedaen te hebben en(de) dae(re)nteynden recht Ende na dien dat/ de voirs(creven) jan met zijnre wettig(er) eed geverificeert heeft dat hem/ de vors(creven) denijs van verdienden loone en(de) pijn en(de) arbeide boven all/ ontfangh noch sculdich es x pet(er)s te xviii stuv(er)s tstuck So/ heeft de selve jan versocht met vo(n)niss(en) gewesen te werden/ dat de selve denijs sculdich zal sijn hem die x pet(er)s te betalen/ p(rese)nte(re)nde bewijs te doene vanden thien pet(er)s die hij vanden vors(creven)/ denijse ontfanghen heeft wair hij die in p(ro)fijte desselfs denijs/ bekeerd heeft en(de) die bewijssenisse te doene alhier op cost/ van ongelike oft te haight oft ter plaetsen dair de getuyghen/ woenen die dairaf te spreken weten So es gewijst dat de/ voirs(creven) denijs sculdich zal zijn den voirs(creven) janne betalinghe te doene/ vanden x peters en(de) dat de selve jan met voldoene zijnre p(rese)ntacie(n)/ gestaen sall cor(am) abs(oloens) miles blanck(aer)t m(er)cels hoeven lynden/ junii xxi