Ite(m) ter meerder vestich(eit) den voirs(creven) meest(er) goorde h(er) thomase en(de) godef(ri)do/ na(tuer)lick te doene van des voirs(creven) es te doene Soe sijn bij handen jans/ brieders vorst(er)s te loven(e) vanden voirs(creven) meest(er) arnde henrico vanden/ speelhove tot behoef als voe(r) v(er)obligeert ende te pande ghesedt voir/ tvoldoen der voirs(creven) renten de juweelen h(ier) nae besc(re)ven inden yersten eene(n)/ zilve(re)n wat(er)pot wegen(de) ix oncen scaers [een net beslaghen met zilve(r) wegen(de) vii½ once(n) schaers] ii zilve(r) lepelen wegen(de) twee/ oncen myn i(½) ynghelsche(n) een swe[r]te webbe beslagen met eenre v(er)gul(den) gespen/ ghespen met eene(n) m(ar)chant en(de) leden v(er)gult wegen(de) mette(r) webbe iii once(n)/ xv ynghelsche een blau webbe beslagen met eenre v(er)gul(den) gespen/ den m(ar)chant ende leden v(er)gult ende eene(n) buydel gestoffeert met/ p(er)len ende met v(er)gul(den) l(ette)ren wegen(de) beyde tsame(n) viii(½) once(n) Te dyen/ ynde gebuerdet den voirs(creven) meest(er) goorde h(er) thomase en(de) go(defri)[do] aut alt(er)i/ inde voirs(creven) lijft(ochten) oft inde jairlijke betalinghe oft bewijsenisse der selver/ e(n)nich ghebreck te hebben(e) dat sij oft yemant and(er)s recht inde selve/ lijft(ochten) hebben(de) sijn gebreck aen de voirs(creven) juweelen verhalen sal moghe(n)/ ende die ten prijse van juwelie(re)n oft goutsmede(n) bynne(n) loven(e) gesete(n)/
//
hen des verstaen(de) met rechte v(er)coepen en(de) ten hoeghsten/ bringhen Sciet dair yet ov(er) dat salm(e)n den voirs(creven) meest(er)/ arnde wed(er)kee(re)n ende gebrect d(air) yet dat salme(n) aen sijne(n)/ p(er)soen ende ande(re)n goiden v(er)halen moghen ende oft de voirs(creven)/ meest(er) goort en(de) pensionarijsen and(er)s dan met v(er)coope der/ selve(r) juweelen v(er)nueght wordde(n) soe sal de voirs(creven) meest(er)/ goort gehouden sijn de voirs(creven) juweelen weder te restitueren(e)/ ind(en) ghewichte voirsc(reven) zond(er) argelist cor(am) eisd(em)