Vander aenspraken die mathijs uuten lyeminghen met lijsbetten sijne(n) wijve/ ghedaen heeft tot katlinen smeets wettighe huysvrouwe daneels aroens alse/ van dien dat de voirs(screven) katline der voirs(creven) lijsbetten gheslaghen soude hebben/ met eene(n) stocke oft met eenre latten deylende dair af den eed te gheven/ oft te houden hopende de selve mathijs met sijnre huysvrouwen wair/ de voirs(creven) katline dair af egheen onschout en dade dat sij dat der selver/ lijsbetten bete(re)n soude met eene(n) weghe te meylanen oft niet met alsulke/ bet(er)nissen soe de scepen(en) dair af wijsen souden Ende nae dien dat de/ voirs(creven) katline den eed aenghenomen heeft dat sij der voirs(creven) lijsbetten niet/ gheslaghen en heeft noch met stocken noch latten Anders dan sij huer/ goidertie(re)nlijck met huer handt va(n) huer afgheweeght heeft Es gewijst/ wair sij den eedt doet soe sij ghep(rese)nteert heeft dat sij der aenspraken onghehoude(n)/ sijn sal Ende acht(er)volgende desen heeft sij den eedt ghed(aen) ende ghewijst/ dair mede te ghestane cor(am) blanck(aer)t ju(doco) absoloens m(er)sels hoeve(n) lynden aug(usti) xxv