It(em) gheert boesman geheeten van beausaert wonen(de) te beausaert/ in p(rese)nc(ia) heet uutghegeven en(de) bekint dat hij uutgegeve(n) heeft/ clase collaert wonen(de) te bevekem thoff des voirs(creven) gheerts/ geheeten thoff van beausart metten huysen hoven wynnen(de)/ landen beempden en(de) eeussele(n) daer toebehoiren(de) ghelegen te/ bevekem Te houden(e) en(de) hebben(e) van half meerte lestlede(n)/ eene(n) t(er)mijn van tweelf jae(re)n lanck due(re)nde deen na dande(r)/ zonder myddel volgen(de) elcx jairs dae(re)n bynne(n) te weten(e)/[x boend(er) vande(n) selve(n) wynnen(de) lande voer x mudde(n) t(ar)wen en(de) alle dande(re) wynnen(de) lande elc boend(er) van dien voe(r) een mudde rox elcx grains goet en(de) paiabel d(er) mate(n) van lov(en) alle jae(re) sint andriesmisse ap(oste)ls te betalen(e) en(de) leveren(e) te weten(e) de t(ar)we te bevekem en(de) den rogge te loeven(e) den voirs(creven) geerde de(n) vors(creven) t(er)mijn due(re)nde quol(ibe)t ass(ecutu)[m] Behoud(elic) dat de selve wynne van dien lande twee boend(er) en(de) oic de voirs(creven) beempde(n) en(de) euselle(n) voer uut houde(n) sal sond(er) pacht oft eeussel hue(re)n daer af te gheven(e)] elck boend(er) vanden wynnen(de) lande(n) uutgenome(n) ii boend(er) lants/

d(air) af die voirs(creven) wyn bynne(n) hebbe(n) sal voe(r) en(de) o(m)me een mudde/

rox daer af dat de voirs(creven) wyn jaerlix x mudde(n) t(ar)wen/

leve(re)n sal elcx grains goet en(de) paiabel der maten van/

loven(e) sinte andriesmisse ap(oste)ls te betalen(e) en(de) den voirsc(reven) rogge/

te loven(e) te leve(re)n ende de t(ar)we te bevekem te leveren den voirs(creven)/

gheerde den voirs(creven) t(er)mijn due(re)nde q(uolibet) ass(ecutu)[m] hier inne bevurwert/ dat de voirs(creven) wynne de voer(screven) lande wynne(n) werve(n) en(de) besayen sal/ ghelijck regenoete(n) boven en(de) beneden op iiii ghetijdege voe(re)n ende/ de selve lande laten tsijne(r) affscheyden(en) ghelijck hij die bevonde(n)/ heeft tsijne(n) aencomen(en) te weten(e) viii [boend(er)] en(de) tderdel [va(n) eene(n)] boend(er) besait/ met rogghe en(de) iiii boend(er) besaeyt met t(ar)we(n) ende een boend(er) inden/ hoff omgedaen iii(½) boend(er) brake iii boend(er) stortte eens ongedaen/ en(de) alle dande(re) lande(n) ledich en(de) ongewonde(n) ende oft de voirs(creven)/ wyn meer besaeyt laet tsijne(n) affscheyden dan xii boend(ers)/
//
daer af sal hij de helicht van dien vruchten hebben/ en(de) oft hij alsdan myn besaet laet dat sal hij den voirs(creven)/ gheerde oprichten ten prijse van eertwynne(n) It(em) sal de/ voirs(creven) wynne jaerlix alle tstroe vanden voirs(creven) goeden/ comen(de) int voirs(creven) hoff bringhe(n) en(de) d(air) af mest maken/ en(de) dat vue(re)n opde voirs(creven) lande alsoe wel opde verste/ als opde naeste slants meeste p(ro)fijte Es voirt vurw(er)de/ dat de voirs(creven) wyn de huysinge vande(n) voirs(creven) hove houde(n)/ sal vander underster rijkelen ned(er)werts op sijne(n) cost en(de)/ jaerlix leve(re)n v[c] walms o(m)me opde huysinge voirs(creven) v(er)dect/ te wordden(e) en(de) alsmen dien ald(air) v(er)dect sal de wy(n)ne/ den werclieden den montcost geven en(de) gheert sal die/ dachue(re)n betalen cor(am) blanck(aer)t hoeven sept(embris) iii It(em) want/ de voirs(creven) claes gheert den voirs(creven) clase tot sijnen/ aencomen(en) gheleent heeft twee rode p(er)de te gade(r) getaxeert/ op xii rins gulden(en) vii mudden evene(n) drie mudden rox/ ix halst(er) er wete(ne) vive(n)twintich pont hoeys en(de) i(½)[c] schoeve/ ond(er) erwete(n) en(de) crocke Soe es vurw(er)de en(de) heeft gelooft/ de voirs(creven) claes tot sijne(n) affscheyden(en) den voirs(creven) gheerde/ wed(er)o(m)me te leveren(e) ass(ecutu)[m] It(em) want oic de voirsc(reven) geert/ als borghe des voirs(creven) claes te laste steet aen woute(re)n/ zannen voe(r) vii(½) rins guld(en) van eene(n) p(er)de dat de selve/ gheert tot behoef des voirs(creven) claes tegen den voirs(creven)/ woute(re)n ghecocht heeft d(air) af den t(er)mijn van betalinge(n)/ sijn sal sinte remeysmisse naestcomen(de) soe heeft de selve/ claes den voirs(creven) gheerde [d(air)af] geloeft tontheffen en(de) de selve/ schout ten selve(n) t(er)mijne te betalen(e) cor(am) blanck(aer)t hoeve(n)/ sept(embris) iii