Allen den ghenen (et)c(etera) doen te weten(e) dat opden dach van heden/ voer ons comen sijn in p(ro)pe(re)n p(er)sone berthelmeeus de ruyssche en(de)/ katline van wynghe sijn wijf ende hebben ghesedt geconstitueert/ en(de) volcomelic ghemechticht hubrechte de ruyssche brued(er) des/ voirs(creven) barthel(meeus) ende andriese van roesmeer swag(er) der selver/ ghebruede(re)n samentlijken en(de) elken van hen besund(er)t o(m)me inden/ name van hen metten ande(re)n hue(re)n medep(ar)tijen oft mededeyld(ere)n recht/ ende deel hebben(de) in alle de goede beirne beruerlijc en(de) omberuerlic
//
ghebleven acht(er) wijlen ja(n)ne van wynghe en(de) wijlen katline(n) sijnen/ wijve vader en(de) moeder der voirs(creven) katline(n) van wynghe gelegen/ te loven(e) te bealanden(en) te vaelbeke te outhev(er)le te wanghe te/ berthem en(de) daer omtrint en(de) elswaer in brabant waer de selve/ goede gelegen sijn voir de voirs(creven) wetten ende voer elke der/ selv(en) wetten daer dat behoirt inden name tot behoef ende/ wegen der voirg(enoemde) gehuyssche(n) te lotene en(de) te deylene alsulken/ deel ende porcie als den voirs(creven) berthel(meeus) ende sijne(n) wijve/ inde voirs(creven) goede aengheloot sal werdden tot hue(re)n behoeff/ taenverdene en(de) op dand(er) deele tot behoef der ande(re) medeyld(er)s/ van hue(re)n weghen te wo[r]pene ende te v(er)tijdene waerscap daer/ af te gheloven(e) ende daer af ende vand(en) condicie(n) en(de) vurw(er)den/ daer aen cleven(de) alsulken gheluften zekerh(eit) ende vestich(eit) te/ doene alsmen na recht oft ghewoente der voirs(creven) wetten bevinden/ sal daer toe dienen(de) ende behoeven(de) Ende voirts o(m)me de/ selve goede die gheloot ende ghedeylt metgaders allen den/ ande(re)n hue(re)n jaergulden sculden opcomi(n)gen p(ro)fijten vervallen goede/ beruerlic ende omberuerlic chijsen rinten pachten die sij nu hebbe(n)/ oft namaels vallen mochten oft toecomen die te loven(e) te ned(er)hespen/ en(de) elswaer bynne(n) den lande van brabant gelegen sijn Te/ verware(n) te rege(re)n te manen teysschen op te bue(re)n en(de) tontfange(n)/ tegen oft aen wat p(er)soenen oft goeden dat dat sijn mach daer/ voe(r) te panden(e) te daghen(e) te beleydene en(de) rastamente te doen/ leggen en(de) die met rechte te (con)tinueren(e) nae ghewoente ende/ costume(n) vanden plaetssen daer dat te doen sal wesen oft/ gheboirt en(de) op dats noot ghebuerde die goede met rechte in/ aenlegg(er)s oft v(er)antw(er)ders stat te bedingen die te wynnen en(de) te/ verliesen composicie en(de) mynlijke yffeninghe daer af te maken(e)/ den sculde(re)n van des sij oft e(n)nich van hen ontf(angen) sulle(n) quijt te/ schelden(e) en(de) quitan(cie) te gheven(e) Ende voirt o(m)me alle de voirs(creven)/ omberuerlijke goede chijsen rinten pachten in al oft in deel inden/ name en(de) van weghen der voirs(creven) ghehuyssche(n) te v(er)coepene den/
//
coepe guedinghe en(de) behoirlijke vestich(eit) d(air) af te doene die/ pe(n)ninghe daer af comen(de) te ontfane en(de) den coepe te / quiteren(e) en(de) alle vesticheit den voirs(creven) ghehuyssche(n) dienen(de) wed(er)o(m)me/ te ontfangen(e) daer op en(de) daer af behoirlic te worpen te/ vertijen ende warantschap en(de) ghenoech doen daer af te/ doene en(de) te gheloven(e) de welke v(er)coepinghe guedinge en(de)/ vestich(eit) mette(r) ghelufte(n) van warandeerscape die bijden voirs(creven) / p(ro)cur(eur)s oft enige(r) van hen gedaen sal wordden de voirs(creven)/ gehuyssche(n) nu alsdan gheloeft hebben en(de) gelove(n) van weerde(n)/ en(de) van machte te houden en(de) te voldoene in alsulker/ manie(re)n oft die selve gehuyssche(n) die voirs(creven) v(er)coepinghe/ guedinge vestich(eit) en(de) gheluften van waranderscape in/ hue(re)n p(er)soen voer scepen(en) van loven(e) oft voer hoff en(de) hee(re)/ daer af die goede resorte(re)n gedaen hadden al nae costume/ en(de) ghewoenten vanden plaetsse(n) daer dat behoi(r)en ende/ behoeven soude moghen oft daer de selve goede gelegen/ wae(re)n Consenteren(de) en(de) ov(er)gheven(de) die voirs(creven) ghehuyssche(n) datm(en)/ alle voirs(creven) gheluften vurw(er)den en(de) v(er)bonden bijden voirs(creven) hue(re)n/ p(ro)cur(eur)en oft e(n)nigen van hen gedaen sullen wordden over ende/ op die voirs(creven) gehuyssche(n) hae(re)n p(er)soenen oft goeden met rechte/ sal moeghen exeque(re)n in alsulker forme(n) en(de) manie(re)n oft/ die selve gehuyssche(n) die voirs(creven) vurw(er)den v(er)bonden en(de) geluft(en)/ in hue(re)n p(ro)pe(re)n p(er)soene(n) gedaen hadden Ende voirtaen g(e)n(er)alic/ en(de) specialic alle tghene in al des voirsc(reven) es te doene en(de)/ te vorde(re)n dat de voirs(creven) gehuyssche(n) selve soude(n) mogen/ doen oft vorde(re)n in e(n)nig(er) manie(re)n waert dat sij telker tijt/ en(de) plaetssen teghewordich en(de) voer oeghen wae(re)n Gheloven(de)/ voer ons in goeden trouwen de voirs(creven) gehuyssche(n) opde/ v(er)bintenisse van allen hue(re)n goeden teghewordich en(de) toecomen(de)/ vercregen oft te v(er)crigen(e) beruerlic en(de) omberuerlic hoedanich/ die sijn waer sij gelegen sijn oft bevonde(n) mochte(n) wordde(n)/ goet vast ghestentich onv(er)breckelic en(de) van weerden te houde(n)/ tot ewighen daghen voer hen hue(re)n erven en(de) nacomelinge(n)/ alle tghene des bijden voirs(creven) p(ro)cur(eur)s oft den eenen van hen/ in des voirs(creven) steet e(n)nichsins gedaen en(de) ghevord(er)t sal worden/ alle fraude en(de) argelist uutgesceiden due(re)nde de voirs(creven) p(ro)cur(eur)/ totten wederroepe der voirs(creven) gehuyssche(n) en(de) niet langhe(r)/ cor(am) roelofs burg(imagistr)[o] blanckart hoeve(n) scab(inis) sept(embris) vi