Allen den ghenen die dese l(ette)ren ghethoent sullen wordden/ burg(er)meest(er)s scepen(en) en(de) raid der stad van loven(e) saluyt/ met ke(n)nisse(n) der waerh(eit) doen te weten(e) dat opden dach/ van heden voer ons comen es gielijs vander balct ende/ heeft aldaer in behoirlijker vormen en(de) manie(re)n soe dat nae/ recht best mach dienen en(de) behoi(r)en volcomelic ghemechticht/ ghesedt gheordin(er)t en(de) gheco(n)stitueert en(de) met des(en) l(ette)ren v(er)mechticht/ sedt ordineert en(de) constitueert joffrouwe(n) magrieten vander/ balct sijnre sust(er) weduwe jans wijlen van winxele alsulke/ sessentwintich rinssche gulden(en) ende twee mudden herts/ corens der maten en(de) pacht van thienen lijftochten alle jae(re)/ te weten(e) tvoirs(creven) ghelt half te kersmisse en(de) half sint/ jansmisse en(de) tvoirs(creven) coren sinte andriesmisse apostels te betalen(e)/ als de voirs(creven) gielijs met scepen(en) brieve(n) van loven(e) tot sijnen/ live heeft en(de) houden(de) es op zeke(re) goede ende onderpande/ arnts vander balct sijns soens ghelijc de scepen(en) brieve(n)/ daer op ghemaect in jair xiiii[c] lxiii sabbato post quasi mo(do)/ voirder inhouden en(de) beg(re)pen teysschen te manen op te bue(re)/ en(de) inne te heffen(e) de possessoers vanden voirs(creven) ond(er)pande(n)/ en(de) eene(n) ieghelijken and(er)s dien dat aengaen mach quitan(cie)/ te gheven(e) en(de) voer ghebrec van betalinghen der selver/ lijftochten aen en(de) op de goede en(de) onderpande der selv(er) te pande(n)/ en(de) te daghene en(de) ande(re) vorderinghe van rechte daer/ op voert te kee(re)n ende ten ynde uut met rechte te/ vervolgene Ende alle tghene dair inne te doene en(de) te/ vorde(re)n inden rechte ende and(er)ssins ghelijc de voirs(creven) gielijs/ selve doen soude oft doen mochte waer dat hij p(er)sonelic/ teghewordich wae(re) Gheloven(de) de voirs(creven) gielijs vast en(de)/ van weerden te houden en(de) te hebbene soe wes bijd(en) voirs(creven)/ weduwen dair inne en(de) des daer aen cleven mach gedaen/ en(de) ghevordert sal wordden in e(n)niger manie(re) alle argelist/ hier inne uutgesceiden cor(am) most vice burg(imagstr)[o] hoeven lynden/ scab(inis) sept(embris) xvi