It(em) want jan van leeuwe poirte(r) te loven(e) tot zeke(re)n daghen van rechte/ tot opden dach van heden met rechte verstreken hadde doen inne scriven/ symone van wesenbeke mids dien dat de selve symoen des voirs(creven) jans/ van leeuwe goide te weten de vruchten van eenen bloeke lants gheheete(n)/ den ruyters ham voir zeke(re) haeflijke optichten die hij hem eysschen(de) es/ gherasteert hadde ald(air) de selve poirte(r) niet come(n) en es den selve(n)/ symone hem inden rechte verthonende ende p(rese)nterende soe hebben de/ scepen(en) van loeven(e) ghewijst voir een vo(n)nisse wair dat de voirs(creven) poirte(r)/ ten opstaen smeyers ende den scepen(en) niet en compt dat dan de/ voirs(creven) symoen sijn recht opde voirs(creven) vruchten v(er)volgen mach ald(air)/ hij begonnen heeft p(rese)ntibus o(mn)ibus scab(inis) in scampno dempto lyemi(n)ge(n)/ sept(embris) xviii