It(em) marie van kesselle weduwe jans wijlen van boemale gheheeten/ smet en(de) claes ende claes van boemale huer zone in p(rese)nc(ia) hebben/ ghelooft indivisim henricke vander varent behoude zone der voirs(creven) weduwe(n)/
//
tot ewighen daghen co(m)merloes ende schadeloes te houden en(de)/ tontheffene alse vander borchtochten die de voirs(creven) henrick tande(re)n/ tijden voir scepen(en) van loven(e) ghedaen heeft voir den voirs(creven) wijlen/ janne van boemale sijne(n) sweer aen de momboe(re)n vanden heyligeest/ van loven(e) als vanden wijnhove(n) en(de) goiden der selve(r) taefflen/ gelegen opden blauwen putte en(de) dair omtrent die de selve wijle(n)/ jan eene(n) t(er)mijn van xii jairen in pechtinghen ghenome(n) hadde/ ende dair af hij den selve(n) henricke te borghe gesedt [hadde] dair af/ den t(er)mijn alnoch vi jair oft d(air) omtrent due(re)nde es ende den/ pacht vurw(er)den en(de) (con)dicie(n) die de voirs(creven) wijlen jan als pr(in)cipae(l)/ en(de) henrick vander varent als borghe nae uut wijsen(en) vande(n)/ pechtingh brieve schuld(ich) soude sijn te doene en(de) te dragen(e)/ jairlix in tijts en(de) in uren te diene de t(er)mijne inde(n) voirg(eruerde)/ pechtinge(n) beg(re)pen te vernuegen(e) en(de) te voldoene quol(ibe)t ass(ecutu)[m]/ ende desgelijx oick mede vernuegen en(de) betalen allet ghene
//
des men van v(er)loepe der selve(r) pechtinge(n) schuld(ich) es totte(r) dage/ toe van heden zond(er) den voirs(creven) henricke oft sijne(n) goide(n) dair af/ e(n)nichsins gepraempt te wordden(e) cor(am) hoeve(n) lynde(n) sept(embris) xviii