It(em) de voirs(creven) meest(er) peet(er) vander heyden cirurgij in p(rese)nc(ia) heeft gekent/ en(de) gelijt al eest alsoe dat alsulken drie rinssche gul(den) lijft(ochten) staen(de)/ ten live jans vander heyden voirs(creven) en(de) te live meest(er) peet(er)s vors(creven)/ dare inne gehoude(n) sijn jan vanden putte jan vander hulst arnt/ vander hulst laureys hellinck met hue(re)n medeplichte(re)n met scep(enen)/ brieve(n) d(air) op ghemaect int jair xiiii[c] lxv sept(embris) xvi ende/ de selve meest(er) peet(er) d(air) inne sijn heffen heeft behouden dat nochta(n)/ die lijftochte vanden drie rinssche gul(den) voirs(creven) int gheheele toebehoirt/ den voirs(creven) ja(n)ne vander heyden ende al eest alsoe dat hij die blijft heffende/ dat hij van sijne(r) inheffene van nu voirtaen den voirs(creven) ja(n)ne vand(er) heyde(n)/ sij(n) leven due(re)nde rekeni(n)nge en(de) bewijs doen sal cor(am) eisd(em)