Allen den ghene(n) (et)c(etera) doen te wetene dat opden/ dach van heden voir ons comen es hubrecht coerlebac/ sone wilen symoens wonen(de) tantwerpen en(de) heeft in/ alle der bester formen en(de) manie(re)n soe dat nae recht best/ mach diene(n) en(de) stat gripen ge(con)stitueert en(de) gesedt/ volcome(n) macht p(ro)cu(ra)cie en(de) auctoriteit geg(even) reyne(re)n roelofs/ sine(n) sweer en(de) ja(n)ne van ost en(de) elken van hen besund(er)t/ te wesen sijn p(ro)cur(eur)s in allen sinen saken die hij te doen/ heeft oft namaels hebben sall En(de) voirt o(m)me alle ende/ ingewelke sijn goede chijsen rinten pachten jairgulden/ v(er)vallen en(de) sculden den voirs(creven) hubrechte toebehoe(re)nde te/ loven(e) te duysborch te nederijssche te cortbeke ov(er)loe ende/ elswair al brabant doere soe wair die gelege(n) sijn oft/ bevonden sullen worden en(de) men hem sculd(ich) is oft namaels/ wesen sal Te manen teisschen op te bue(re)n en(de) tontfa(n)ge(n)/ aen wat p(er)sone(n) oft goeden oft te wat steden oft plaetsen/ datter sij Dair vore te panden te dagen(e) te clagen(e) en(de)/ rastame(n)te te doen leggen nae gewoente en(de) costume(n) va(n)de(r)/ plaetsen d(air) dat behoe(re)n sal oft behoeve(n) soude moge(n) En(de)/ op dats noet gebuerde voir alle richte(re)n geestelic oft/ weerlic met rechte te v(er)volgene te v(er)antw(or)d(en) te be/ scudde(n) en(de) te bedingen(e) die te wi(n)nen en(de) te v(er)liesene com/ posicie en(de) mynlike yffeni(n)ge d(air) af te make(n) den sculde(re)n/ van des sij oft e(n)nich va(n) hen ontf(angen) sulle(n) oft sal quijt/ te schelden en(de) quitan(cie) te geven(e) en(de) voirtaen generalic/ en(de) specialic al tgene d(air) inne te doene en(de) te vord(ere)n dat/ de vors(creven) hubrecht selve soude mogen doen waert dat hij/ ald(air) teg(enwoirdich) ware en(de) voir ogen P(ro)mitt(ens) rat(um) due(re)nde/ q(uod) ad r(e)voc(ationem) cor(am) duffle vice burg(imagistr)[o] blanck(ar)t hoeve(n) scab(inis)/ sept(embris) xx