It(em) want stoot en(de) tebat opverstaen ende v(er)resen es tussche(n)/ willem(me) maes in deen zijde ende daneele van halleer in dand(ere)/ alse van zeke(re)n pontpe(n)ningen die de voers(creven) willem den voirs(creven)/ daneele eysschen(de) was uut ocsuyne vanden coepe van eenen/ mudde corens erfs pachts daer af men donderpande vanden/ voirs(creven) willem(me) als gronthee(r) houden(de) es ende vanden costen die/ inden p(ro)cesse van gedinghe tusschen hen soe inden hoff soe alh(ier)/ bijden raide vander stad gedaen sijn Ende oic vanden pe(n)ninghe(n)/ die de voirs(creven) daneel soe h(ier) te loven(e) opde wissel soe inden hoff ond(er)/ de late staen(de) heeft Soe hebben hen de voirs(creven) p(ar)tijen eendrechtelijke(r)/ ghesubmitteert en(de) verbonden in gielijse van duffle ende gorijse/ vranx als hue(re) ghemeyne segghe(re)n en(de) yffene(re)n in alsulke(n) vueghen/ dat de voirs(creven) segghe(re)n informacie nemen sullen van beyden p(ar)tijen/ en(de) huer uutsprake van dien doen bynne(n) iiii daghen naestcomen(de)/
//
Gheloven(de) de voirs(creven) p(ar)tijen vast ende ghestentich te houden(e) en(de)/ te voldoene alle tghene des bijde voirs(creven) segge(re)n bij eendrechtige/ uutsprake uutgesproken en(de) ghepronu(n)cieert sal wordden/ zond(er) daer teghen te comen(e) oft te doen(e) met rechte oft met feyte(n)/ in e(n)nig(er) manie(re)n cor(am) blanck(ar)t hoeve(n) sept(embris) xx