Allen den ghenen die dese l(ette)ren sullen sien oft horen/ lesen burgermeeste(re)n scepen(en) en(de) raide d(er) stat van loven(e)/ saluyt doen cont en(de) te weten(e) dat opden dach datu(m)/ van desen voir ons comen zijn arnt kuybbers ende/ marie corekens zijn wijf en(de) hebben geconstitueert/ gesedt volcomen macht procuracie en(de) auctoriteit gegeve(n)/ jacobe van buetschore en(de) wille(m)me coreken oem der vors(creven)/ marien oft den eenen van hen bringer van desen alle/ en(de) yegewelke hue(r) saken questien en(de) gescillen als zij/ uutstaende hebben oft namaels uutstaende hebben zullen/ mogen tege(n) wat p(er)sonen dat dat zij voir alle gerichten/ gheestelic en(de) weerlijc [te bedingen te wynnen en(de) te verliesen] alle hue(r) jairgulde chijsen/ renten erfpachten en(de) sculden te manen teysschen opte/ boren en(de) tontfangen dair voir te pannen te daghen/ rastemente(n) te doen legghen alle scepen(en) brieve(n) te/ vo(n)nissen en(de) alle des vors(creven) is met rechte texeque(re)n/ na gewoente vand(er) plaetsen d(aer) des behoeve(n) sal den/ sculders te quite(re)n en(de) volcomen quitancie te gheven/ getuygen ofs behoeft te leiden en(de) der wederp(ar)tien getuyge(n)/ te sien zweren die te batteren also dicwille ende/ menichwerve(n) als des behoeven sal te replice(re)n en(de)/ te duplice(re)n also wale int principael als int accessoir die/ goede met jairscharen uuttegheven En(de) vortaen gene/ ralijc en(de) specialijc allet ghene in des vors(creven) is te doen/ allet ghene des de voirs(creven) gehuyssche selve zouden/ mogen doen telker tijt oft zij tegenwordich en(de) voir ogen/ wa(r)en Promitt(entes) ratu(m) salvo iusto calculo cor(am) tybe burg(imagist)[ro]/ abs(oloens) milite et hoeven scabinis oct(obris) viii