Item gielys van caverson in p(rese)ncia (et)c(etera) heeft gekindt gehaven en(de)/ ontfanghen te hebben uut handen mathijs vanden rode rintmeest(er)s/ tshe(re)n van diest (et)c(etera) thien rijnsch(en) gulden(en) die hem vielen te/ paeschen lestleden van alsulke(n) twintich rijnsch(en) gulden(en) erflike(r)/ rinten vallen(de) half te paeschen en(de) half te bamisse alse hij gielys/ heeft aen ende op diverse goede en(de) onderpande svoirs(creven) he(re)n van/ diest van dien hondert ende veertich rijnsch(en) gulden(en) eene(n) stuv(er)/ en(de) zess miten erfliker rinten die aen en(de) op de selve ond(er)pa(n)de/ hadde mijn he(re) de greve van salmen Dair tegen de voirs(creven)/ gielijs de voirs(creven) twintich rijnsch(en) gulden(en) anderwile gecregen/ heeft van welken thien rijnsch(en) gulden(en) gevallen te paeschen/ lestleden de voirs(creven) gielijs hem hielt voer wel betaelt scelden(de)/ den vors(creven) mijnen he(re) van diest zinen rintmeest(er) de goede en(de)/ onderpande vors(creven) en(de) alle ande(re) des quitancie behoeven(de) volcomel(ic)/ quijt Cor(am) blanckaert m(er) ju(doco) abs(oloens) m(er)cels oct(obris) xv