It(em) de voirs(creven) joff(rouwe) elze heeft den voirs(creven) ghijsbrechte van/ holsbeke inden name en(de) tot behoef der voirs(creven) pensionarisen/ in handen gestelt ende gelevert met rechte voe(r) den vorste(r)/ en(de) poirt(er)s hier na genoemt de juwelen hier na bescreven/ te weten yerst eenen overdecten croes [all] vergult staende op/ drie yngelkens wegende achtien oncen stijf It(em) sint salvatoir/ all van goude It(em) een hexel van goude met xii p(er)len ende/ vier steenkens d(air)af de steenkens niet vele weerd en zijn It(em)/ een hexel van goude met eenen witten hertshoirne met/ vier p(er)len en(de) eenen steenkene voir zijn hoet ende met vier cleyne(n)/ p(er)len op den canten It(em) een hexel met eenen witten pauwe met een(en)/ steenkene voer zijn borst en(de) met vijf cleynen p(er)len omgaens/ It(em) een hexel in goude met eenen witten zwane oic met vijf/ cleynen p(er)len omgaens den cante It(em) een hexel in goude met/ eenen witten h(er)te met eenen steenkene en(de) met zess p(er)len op de/ canten It(em) sint jorijs in goude It(em) eenen sperwair in goude/ een hexel met xiii p(er)len en(de) met eenen steenken(en) wegende/ dese viii p(ar)chelen all tsamen iiii(½) oncen It(em) eenen gulden(en) ryng
//
met eenen dyamant ende poente niet getaxeert om den/ vors(creven) pensionarisen oft trecht en(de) actie vander voirs(creven) lijftocht/ en(de) scepen(en) brieven namails hebben(de) de selve lijftocht en(de) dinhoude/ vanden vors(creven) scepen(en) brieven d(air)aen te moegen nemen en(de) v(er)reyken/ zo wanneer hen gelieft en(de) zij d(air)af in gebreke zijn ende/ de vors(creven) lijftocht verstorven afgequeten oft and(er)s verpandt/ zijnde so salmen der voirs(creven) joff(rouwe) elzen de vors(creven) juwelen/ laten volgen zo verre die d(air)voe(r) niet geexequeert en zijn Cor(am)/ putte(n) for(estario) (et) d(i)c(t)is scab(inis) t(am)q(uam) scabinis (et) opidanis eod(em)