It(em) nae dien dat inder uutspraken bij h(ere)n gielijse vranx/ deken en(de) canonck inder kercken van sinte peet(er)s te loeven(e)/ en(de) lodewijken roelofs burg(er)meest(er) te loven(e) meest(er) anthonijse/ vynck prieste(r) en(de) ja(n)ne vynck sijne(n) brued(er) als segge(r) ghecoren/ bij woute(re)n vynck en(de) woute(re)n van berthem den jonghen als/ momboe(re)n der kinde(re)n everarts wijlen van wynghe die hij hadde/ van joffr(ouwen) anne(n) rogs sijnre huysvrouwe(n) in deen zijde ende/ meest(er) janne vanden walle licenciaet in loy als nu wettich/ man en(de) momboir der voirs(creven) joffr(ouwen) annen in dand(er) uutgesproken/ es dat de voirs(creven) joffr(ouwe) anne jaerlix heffen en(de) hebben soude/ hondert rinssche gulden(en) alsoe lange sij s leven sal uut den/ goeden die sij met everarde hue(re)n man die wijle dat/ everart leefde tsamen besitten(de) wae(re)n ghelijc de brieve vand(en)/ voirs(creven) uutspraken staen(de) vi in oexst lestleden dat voird(er)/ uutwijsen en(de) v(er)cle(re)n ende den voirs(creven) meest(er) ja(n)ne inden name/ der voirs(creven) joffr(ouwen) anne(n) sijnre huysvrouwe(n) in afslage der voirs(creven)/ hondert rinssche gulden(en) ond(er) den ande(re)n bewesen was een/ huys gheheeten den struys ghelege(n) inde proeftstrate ghetaxeert/ sijnde op xv rinssche gulden(en) jaerlix d(air)af comen(de) co(m)m(er)loes
//
te heffen(e) It(em) noch ii huyse(n) gelegen ov(er) teghe(n) de halle inde/ prooftstrate beyde ghetaxeert sijnde om daer af jaerlix te heffen(e)/ xvi peet(er)s ende esoe sij dat op heden tvoirs(creven) huys geheeten den struys/ bij (con)sente der voirs(creven) p(ar)tijen vercocht en(de) ghegoedt es zonder/ daer aen e(n)nighe rinten te behouden ende de voirs(creven) ii ande(re) huyse/ erfelijken uutgegeve(n) sijn elc van dien om vii(½) croene(n) te xxiiii st(uvers)/ maken(de) tsamen xv croene(n) Soe es nu bevorwert tussche(n) den/ voirsc(reven) momboe(re)n inden name der voirs(creven) kinde(re)n ter eenre en(de) den/ voirs(creven) meest(er) janne en(de) joffr(ouwen) anne(n) rogs sijnre huysvrouwe(n) t(er) ande(re)/ zijden dat de voirs(creven) joffr(ouwe) anne de voirs(creven) xv crone(n) erfelijke rinte(n)/ jaerlix heffen sal alsoe langhe sij leeft en(de) dat die xv croene(n)/ myn ghedragen dan xvi peet(er)s ende xv rinssche gulden(en) dat/ de voirs(creven) momboe(re)n inde(n) name en(de) van weghen der kinde(re)n voirs(creven)/ tsurplus ghebreken(de) van dien in ande(re)n rinten bewijsen sullen/ ghenoet? dat de xv rinssche gul(den) voirs(creven) die meest(er) jan vande(n)/ voirs(creven) huyse geheeten den struys gehave(n) soude hebbe(n) alsnu/ metten vercoepe vanden voirs(creven) huyse versmelte(n) Ende es voirt/ vurw(er)de oft die voirs(creven) rinte(n) xv croene(n) afgequete(n) wordde(n)/ in al oft in deele datmen inde stadt van dien afgequeten(en)/ renten der voirs(creven) joffr(ouwen) annen rogs ande(re) renten sal bewijsen/ behoud(elic) altijt der voirg(eruerde) uutspraken in ande(re)n pointe(n) in huer(er)/ macht cor(am) blanck(ar)t ju(doco) abs(oloens) oct(obris) xx