It(em) nae dien dat berthel clee(re)n zone nat(tur)lick wijlen peet(er)s cle(re)n met zeke(re)n/ scepen(en) brieve(n) van werchte(r) spreken(de) van twee mudde(n) corens lijftochte(n)/ ten live des voirs(creven) wijlen peet(er)s en(de) berthel(meeus) te weten ten live van eens/ yeghelijx een mudde bekint bij jannesse wijlen vander hofstad int jair/ m iiii[c] xxxix in decembri begonnen hadde te procede(re)n voir gebreck van/ betalinghen van eene(n) mudde staen(de) ten live des voirs(creven) barthel(meeus) op zeke(re)/ goide toebehoren(de) willem(me) lobbe gheleghen te werchte(r) deen ghenechte dande(r)/ ende de derde soe hij seyde ende de voirs(creven) willem als ingeseten poirte(r)/ van des(en) stad tvoirs(creven) p(ro)ces hadde doen stille staen ghem(er)ct dat de vors(creven)/ brieve van werchte(r) alleene inne hielden obligacien p(er)soneel en(de) neghen/ van sijne(n) goide met hofrechte voir de voirs(creven) lijftochte verobligeert en wai(re)n/ Soe sijn de voirs(creven) p(ar)tijen des come(n) in rechte voir meye(r) ende scepen(en) van lov(enen)/ aldair de voirs(creven) berthel meynde want hij inden hof met drie genechte(n)/ opde goide gheprocedeert hadde dat hij ald(air) voort mett(er) banck recht/ soude moghen p(ro)cede(re)n beghe(re)nde ende v(er)sueken(de) de zake van dien ald(air)/ gheremitteert te wordden Dair op henricus steyman als p(ro)cur(eur) des/ voirs(creven) willems behoirlick vermechticht dede segghen dat de voirs(creven)/ berthel tonrechte gheprocedeert hadde op sijn erflijke goede want/ de brieve des voirs(creven) berthels egheen actie reael inne en hebben dan/ aleene p(er)soneel Soe es ten uutersten vo(n)nislijck ghewijst dat de/ vorderinghe ende voort setten dat de voirs(creven) barthel(meeus) ghedaen heeft/ van gheenen rechte en is cor(am) lyemi(n)ghen blanck(aer)t j(udoco) absoloens hoeve(n)/ lynden julli vi[ta]/