It(em) nae dien dat joes absoloens sone wijlen henricx als geleyt totte(n)/ goeden have en(de) erve willems wijlen de witte van herent voer zeke(re) scepen(en)/ brieve van loven(e) voer den jaire van lx[e(n)] ghepasseert hadde bescreve(n) met/ v(er)sueckbrieve(n) der stad van loven(e) ja(n)ne henricke en(de) lodewijcke de witte/ gebruede(re) kinde(re) desselfs wijle(n) willems henricke de rijke en(de) lijsbetthe(n)/ switte(n) sijne(n) wijve die hem onghebruyc deden aende goede h(ier)na bescr(even)/ sonder den voirs(creven) joese van sijne(n) dueghdelijken gebreken van vi croene(n)/ lijftochte(n) te v(er)nueghen en(de) de selve versueckbrieve bijden meye(re) van herent/ t(er) execucie(n) gestelt wa(r)en en(de) den voirs(creven) p(ar)tijen dach van rechte tot/ eene(n) zeke(re)n daghe als tot heden met rechte v(er)streken beteekent was/ ghelijc de resc(ri)pcie vanden voirs(creven) meye(re) dat inne hielt en(de) begreep/ Ende oic hadde doen dach van doen ten selve(r) dage van rechte met/ mercken crauwels diene(r) ons ghened(ichs) he(re)n wille(m)me en(de) arnde de witte/ bruede(re) der voirs(creven) ghebruede(re)n ja(n)ne dillen en(de) henricke mette(n) gelde als/ mombo(r)en huer(er) huysvrouwe(n) suste(re)n der voirs(creven) gebruede(re)n o(m)me huer hande/ vande(n) selve(n) goeden te lichten en(de) af te doene oft de voirs(creven) joese/ van sijne(n) ghebreken d(er) lijftochte(n) te v(er)nuegen gelijc de selve diene(r)/ dat gedragen en(de) getuyght heeft Tot welken daghe nocht/ oic op heden egheen vanden voirs(creven) p(ar)tijen noch bij hen selven/
//
noch bij negheene(n) p(ro)cur(eur) gheco(m)pareert en sijn den voors(creven) joese in/ rechte (com)pa(re)ren(de) soe es t(er) manisse(n) smeyers ghewijst voer een vo(n)nisse/ datmen den voirs(creven) joese vanden voirs(creven) goeden houden sal in sijnen/ beleyde alsoe v(er)re dat noch voer scepen(en) comen es cor(am) om(n)ibus/ scabinis dempto d(omi)no mychaele abs(oloens) julii viii

Non est