SAL8142, Akte: V°21.1 (32 van 817)
Akte V°21.1
Act
Datum: 1473-07-19
Transcriptie
2019-11-15 door Véronique BavinAllen den ghenen (et)c(etera) doen te weten dat op den dach van hede(n)/
voer ons comen sijn willem bruynbroecx magriete nabbe sijn wijf/
ende katline nabbe sust(er) der selv(er) magriete(n) dochte(re)n daneels wijle(n)/
nabbe ende hebben in alle der vast(er) vorme(n) en(de) manie(re)n soe dat/
nae recht best mach dienen ende stad g(ri)pen gheconstitueert gesedt/
en(de) volcomen macht p(ro)curacie en(de) auctoriteit gegeve(n) h(ere)n janne/
prieste(r) et anthonijse nabbe gebruede(re) der voirs(creven) gesuste(re)n en(de) janne/
van eyndhout hue(re)n zwag(er) ende elken van hen besundert/
te wesen huer p(ro)cur(eur)s in allen hue(re)n zaken hoedanich die/
sijn die sij hangen(de) hebbe(n) oft hangen(de) sullen hebben teghen/
henricke standart van arschot en(de) tegen eene(n) iegelijken and(er)s/
te wat plaetssen dat dat sij o(m)me de selve hue(r) zaken voer/
alle richte(re)n gheestic en(de) weerlic in aenlegg(er)s oft verweerd(er)s/
stad te vervolgen te bedinghene ende te beleydene ende alle/
pointen ende articule(n) die daer toe nae recht oft costume(n) vande(n)/
plaetsse(n) daer dat behoe(re)n sal te houden ende te verwae(re)n/
en(de) totten ynde uut vanden rechte te v(er)volgen met vo(n)nissen te/
wynne(n) en(de) te verliesen uutsedt composicie en(de) mynlike yffeni(n)ge/
daer af te maken ende alle tghene daer inne te doene ende/
te vorde(re)n inden rechte en(de) and(er)ssins ghelijc de voirs(creven) (con)stitueerd(er)s/
selve doen soude(n) oft mochte(n) waert dat sij voer oeghe(n) wae(re)n/
P(ro)mitten(tes) rat(um) behoudens dat de voirs(creven) p(ro)cur(eur)s ende elck/
van hen gehoude(n) sijn sulle(n) t(er) manisse(n) vande(n) voirs(creven) (con)stitueerd(er)s/
ende elcx van hen goede rekeninge en(de) bewijs te doene van hue(re)n/
bewinde voirs(creven) due(re)nde dese p(ro)curacie (et)c(etera) cor(am) tybe burg(imagistr)[o]/
blanckart hoeven scab(inis) julii xix
Nagekeken door: Walter De Smet
Moderator: Walter De Smet
Laatste update:: 2019-05-08 door kristiaan magnus