It(em) also als katline weduwe roelofs wilen stroeprock en(de) bastijn stroeprock/ heur zone anderwile vercocht hadde hebben joese nijs van lovenjoul xiii/ moel(en) rogs erfs pachts dien zij hadden op zeke(re) goede nu toebehoiren(de)/ kerstiaene zone jacobs wilen van dyeven voer de so(m)me va(n) xiiii/ gulden cronen te xxiiii stuv(er)s tstuck welke xiiii cronen voirs(creven)/ de voirs(creven) bastijn alleene gehaven heeft ende in zijnen p(ro)fijte bekeert/ zo hij bekynde So es comen voer scepen(en) van loeven de selve bastijn/ en(de) hooft gelooft janne stroeprock zijnen brueder dat hij de voirs(creven)/ xiiii cronen na de doot vander voirs(creven) zijnre moeder zo wanneer/ de deylinghe van heuren goeden geschieden sal inne bringhen sall/ om die met den ande(re)n goeden achter heure bliven(de) underlinge te/ deylen of den zelven zijnen brued(er) also vele ande(re) goede d(air) voe(r)/ voer uut te laten volghen Cor(am) jud(oco) abs(oloens) hoeven ja(nuarii) xi