It(em) also als ten vervolghe walter(us) brake clerck smeyers van loeven geleidt/ zijnde voer zijn wettich gebreck gedragende drie rijders lijftochten met/ den pachten dairaf verschenen tot allen den goeden jans wilen swynnen/ gescr(even) es geweest den meye(r) van halen of zijn stedehoude(r) ter nuw(er)capellen/ hem de selve goede te leve(re)n ende oft henrick swynnen sone svors(creven)/ wilen jans oft yeman and(er)s dair tegen yet seggen of allege(re)n wilde/ dat hij des tot eenen zek(ere)n daghe op heden dienende quame int recht/ gelijc de brieve dat voirder inhielden Ende de selve henrick alh(ier) niet/ comen en es den voirs(creven) geleidden alh(ier) comende ende trecht versuecken(den)/ thoenende oic certificacie en(de) resc(ri)pcie vander execucien geschied vande(n)/ voirs(creven) versuecke bijden stedehoude(r) svoirs(creven) meyers van halen t(er) nuwer/ capellen so hebben de scepen(en) van loeven t(er) maniss(en) tsmeyers gewijst/ voer een vo(n)niss(e) so verre des voirs(creven) geleidden wed(er)p(ar)tie niet en/ quame ten opstaene tsmeyers en(de) van hen datmen hem dan houden/ soude in zijnen voirs(creven) beleidde tot zijnen wettigen gebreke behoef zo/ verre het noch voer hen comen es cor(am) om(n)ibus scab(inis) in scampno de(m)pto/ lye(mingh)[en] ja(nua)[rii] xviii

Hier na volghen de goede d(air)af voe(r) mencie/ gemaict es en(de) dair tvo(n)nis opgeslagen es
//
Ierst eenen quadem scherm It(em) een(en) hulten zetel It(em) twee quade zydele(n)/ It(em) een quaet scrijnen It(em) ii quade draeghbedden It(em) vijfthien busselen/ vlas It(em) eenen tas hoeys It(em) ii hoepe caefs It(em) ii halve amen/ It(em) iii dristapels stoele It(em) ii quade stortvate It(em) xv gulden(en)/ aen janne oeden te weve(r) It(em) een groot vat It(em) noch een quade zydele/ It(em) een deel stroes also dat in eenen stal lach It(em) omtrint ii of iii/ voeder houts It(em) noch huys ende hof met eenen stucke lands achter/ den hof gelegen It(em) omtrint een vijftich walme(re) It(em) een coe die/ de he(re) aenveerd heeft ter gheenre behoef diese toebehoe(re)n sal en(de)/ twee verkene te meensele