Item also als ten vervolghe henricks vanden bulcke s(in)tepet(er)sman d(er) stad/ van loeven gescreven es geweest van wegen der selver stad den/ schouth(eit) van lyere of zijnen stadhuld(er) zijn goede die ten v(er)suecke/ jans claes magrieten zijns wijfs ende jans claes heurer beider/ sone beslaghen waren costelois tontslaene ende oft de voirs(creven)/ gehuyschen ende heur sone den voirs(creven) s(in)tepet(er)sman(ne) yet eysschen/ wilden dat zij des op heden alhier te rechte quamen (et)c(etera) Ende/ de voirs(creven) s(in)tepetersman tzijnen daghe van rechte selve niet come(n)/ noch geco(m)pareert en es den voirs(creven) janne den zone inden name/ van hem selven en(de) alse p(ro)cureur vanden voirs(creven) zijnen vader en(de)/ moeder den voirs(creven) dach verwa(r)ende en(de) trecht versueckende/ so es tvo(n)nis van s(in)tepet(er)sman(ne) van loeven gegaen dat de vors(creven)/ gehuysschen ende heur sone heur recht voert vervolgen moegen/ t(er) plaetsen dair zij dat begonnen hadden cor(am) homi(ni)bus s(an)c(t)i/ petri lovan(iensis) in scampno tsat(er)d(aigs) ja(nua)[rii] xxii