Item de voirs(creven) p(ro)curacie es den voirs(creven) p(ro)cur(eur)s ende elken bizund(er)t gemaict/ ende verleend in vesticheid(en) van alsulken xxii rijnsch(en) gulden(en) in goude/ erfliker rinten alse de voirs(creven) weduwe jairlicx opde voirs(creven) goede/ en(de) op meer ande(re) goede den voirs(creven) h(ere)n robb(eer)te toebehoiren(de) te kerckem/ en(de) d(air)omtrint gelegen houden(de) en(de) hebben(de) es om de selve rinte/ jairlicx als die gevallen ende verschenen es met der vors(creven) p(ro)curacie(n)/ op te boe(re)n ende tontfanghen met allen coste en(de) co(m)me(r) Ende/ zo wanneer de t(er)mijne vander vors(creven) pechtinghen uut zijn sullen/ zo heeft gelooft de voirs(creven) h(er) robb(eer)t renu(n)c(ians) ut sup(ra) den voirs(creven) p(ro)cur(eur)/ aut alt(eri) oft dactie en(de) int(er)est der voirs(creven) rinten alsdan hebbende/ op de toecomende wynnen gelike p(ro)curacie te maken ende te v(er)lijene/ ut sup(ra) om de selve rinte te heffen en(de) dat also dicke als geboe(re)n/ sal Gelovende voirt de voirs(creven) h(er) robb(eer)t den voirs(creven) p(ro)cur(eur)s en(de)/ elken van hen alle brieve en(de) bescheid dienende tot tghene dair/ mede men de voirs(creven) pechtene(re)n soude moegen bedwingen tot betali(n)ge(n)/ oft die schulden te doen blijcken over te gheven en(de) in rechte te late(n)/ gebruyckene om d(air) mede de schult die zij met der p(ro)curacien soude(n)/ moegen volghen te doen blijckene ende de sculd(er)s d(air) mede in/ rechte te vervolgene cor(am) hoeven lynden januarii xxvii