Tvo(n)nisse tusschen joffr(ouwe) elsen pynnox weduwe willems/ wijlen van daelhem in deen zijde ende marien va(n)de(n) rode/ weduwe willems wijlen van buetschore in dand(er) zijde/ als van zeke(re)n gheluften van vervane die de voirs(creven)/ marie vanden rode den voirs(creven) wijlen willem(me) van daelhe(m)/ ghedaen hadde int jair xiiii[c] lix in decembri xx daghe/ o(m)me onder meer ande(re) p(er)soene katline(n) huer docht(er) in dien/ te hebben(e) dat de selve katline ghenoech doen soude van/ zeke(re)n goeden beg(re)pen in zeke(re) scepen(en) brieve(n) van loven(e) d(air)/ aen de voirs(creven) ghelufte van v(er)vaene ghea(n)nexeert es ende/ de voirs(creven) marie vanden rode huer van dien ontschuldichde/ dat de voirs(creven) katline bevrucht wae(re) ende swaer ghinck van/ kinde alsoe dat sij nu alh(ier) niet ghecomen en conste o(m)me de/ voirs(creven) ghelufte te doene Dair op p(rese)nteerde de voirs(creven) joffr(ouwe)/ else soe verre de voirs(creven) marie vanden rode met machiele/ couwens man ende momboir der voirs(creven) katline(n) va(n) buetschoe(re)/ docht(er) der selv(er) marien ghelufte(n) wouden doen voir scepen(en)/ van loven(e) o(m)me der voirs(creven) katline(n) als sij van kynde v(er)ledicht/ soude sijn alh(ier) te comen(e) o(m)me de voirs(creven) ghelufte van v(er)vane/ te doene dat sij dair mede als vander selve(n) katline(n) te/ vreden soude staen Es ghewijst dat eve(n)v(e)rre de voirs(creven)/ marie de p(rese)ntacie van joffr(ouwen) elzen niet aen en nempt/ dat sij ghehouden sal sijn inde ghelufte van vervane/ te voldoene cor(am) lyemi(n)ghen blanck(ar)t m(ychaele) absoloens m(er)sels/ lynden julii xxvii