It(em) allen den ghenen (et)c(etera) burgermeest(ere)n (et)c(etera) saluut doen te weten dat/ op heden voer ons comen es in p(ro)pe(re)n p(er)sone jan van rode vettewarier onse/ ingeseten poirt(er) ende heeft in alder bester vormen ende manie(re)n zo dat/ na recht best mach dienen ende behoiren wetteliken gemechticht ende/ volcomen macht gegeven lodewijcke van nederhem woenen(de) te loeve(n)/ om alle desselfs jans schulden tsijze rinten ende lijftochten te loeve(n)/ en(de) elswair all brabant dore diemen hem nu sculdich es oft namails/ wesen sal aen wat p(er)soenen of goeden te wat steden of plaetsen/ dat dat zijn mach inden name ende tot behoef desselfs jans Te/ manen teysschen op te boe(re)n ende tontfanghen den sculde(re)n van zinen/ ontfanghe quijt te schelden en(de) quitancie te gheven de selve schulden/ aen en(de) tegen eene(n)yegeliken met rechte te vervolgen te bedinghen/ te wynnen te verliesen d(air) voe(r) te panden te daghen en(de) rastamente te/ doen leggen thoeniss(e) ende wairh(eit) te leyden en(de) der wed(er)partien getuygen/ te zien zwe zweren vo(n)niss(en) en(de) senten(cien) teyschen Ende g(e)n(er)alic/ en(de) specialic alle tghene dair inne te doene ende te vorde(re)n dat de/ voirs(creven) jan van rode selve soude moegen doen wairt dat hij p(rese)nt/ en(de) voer oeghen wa(r)e Geloven(de) vast (et)c(etera) cu(m) computacione (et) revoc(acione)/ cor(am) tybe burg(imagistro) blanckairt lynden scab(inis) januarii ultima