It(em) heeft de voirs(creven) (christ)iaen de voirs(creven) schult van hondert pet(er)s den vors(creven) janne/ alnoch bekindt ende gelooft te betalene in meerder vestich(eit) van dien hondert/ peters die de selve christ(iaen) den voirs(creven) janne voer scepen(en) van antwerpen/ tande(re)n tijden tot zeke(re)n termijnen langhe overleden zijnde en(de) noch/ ombetailt uutstaende gelooft heeft te betalen gelijc den scepen(en) brief/ voe(r) de selve scepen(en) van antwerpen op de selve schult gemaict int/ jair xiiii[c] lxxi xxvi daghe in octobri inhult ende begrijpt Ende/ zo es vorwerde zo wanneer de voirs(creven) jan van eens hondert pet(er)s/ met allen coste en(de) co(m)me(r) betailt zijn sal dat hij dan beide de voirs(creven)/ brieve den voirs(creven) (christ)iane overgeven sal oft a(n)nichile(re)n behoudelic den/ voirs(creven) janne alt(ijt) zijn behulp met welken van beide den voirs(creven) brieven hen/ dat gelieven sall om tot der betalingen vander voirs(creven) schult te comen zond(er)/ fraude ende argelist eisd(em)