Versekeringe/ Item jan creyte woenen(de) te loven(e) nettebreide(r) in p(rese)ncia heeft/ gelooft op zijn lijf en(de) goet en(de) op zoenbreke te zijne en(de)/ peysbreke te sijne dat hij om gheenderhande saken wille/ die gesciet zijn totten daghe toe van heden tusschen hem/ in deene zijde janne maten katlijnen van molle sijne(n) wijve/ en(de) hue(re)n kynde(re)n in dande(re) den selven gehuysschen noch/ kynde(re)n ny(m)mermeer hatye vede noch viantscap doen/ noch draghen en sal hen crincken noch hynde(re)n aen/ lijf nocht aen goet noch buyten lants moeden? noch dagen/ noch oic te kampe eysschen Bekynnen(de) en(de) v(er)lidende/ wair hij hier tegen dade oft dede doen dat hij sijn/ soude peysbreker en(de) soenbreker en(de) verbordt hebben sijn/ lijf en(de) goet ond(er) wat he(re)n hij bevonden wordde behoud(elic)/ eest dat hij hen met rechte yet eysschen(de) is dat hij dat/ volghe met rechte cor(am) ludovico roelofs burg(imagist)[ro] blanck(aert)/ hoeven scabinis febr(uarii) vii