It(em) de voirs(creven) h(er) henrick in p(rese)ncia (et)c(etera) heeft gelooft den voirs(creven) roeloven/ dat hij zijne wynnen vanden voirs(creven) goeden nu zijnde en(de) namails/ wesende in dien hebben sal en(de) beveel gheven ende inder pech/ tinghen [der selv(er) goede] bevorw(er)den sal dat zij de voirs(creven) neghen mudde rogs/ jairlicx den voirs(creven) roelove betalen en(de) te loeven leve(re)n zelen talle(n)/ tijden als die verschinen zelen en(de) dat in afslaghe van heuren/ pachte met welker betalinghen de selve pechtene(re)n aen den selven/ h(ere)n henricken gestaen zullen in all der manie(re)n oft zij dien den selve(n)/ h(er) henricken in zijnen p(er)soene betailt hadden eisd(em)