Allen den ghenen (et)c(etera) en(de) bizunder den eerw(er)dighen edelen voersienigen/ en(de) wisen he(re)n p(re)sident ende he(re)n vanden p(ar)lemente onss gened(ichs) h(ere)n tsh(er)toge(n)/ in zijnre stad van mechelen reside(re)nde onsen lieve(n) en(de) ze(er) gemi(n)den he(re)n en(de)/ bizunde(re)n goeden vrienden burg(er)meest(ere)n scepen(en) en(de) raid der stad va(n) lov(en)/ saluut met ky(n)niss(en) der wairh(eit) doen te weten dat opten dach van heden ter/ p(rese)ncien van ons in p(ro)pe(re)n p(er)sonen verschinen(de) en(de) (com)pare(re)nde wouter vync/ als stadhoude(r) vanden leenhoven van arschot en(de) van bierbeke met den ma(n)ne(n)/ vanden selve(n) hove heeft met den selven ma(n)nen inden name en(de) va(n) wege(n)/ der leenhoven voirscr(even) in all der bester vormen en(de) manie(re)n zo dat na recht/ best mach dienen van weerden zijn en(de) stad gripen volcomelic mechtich/ gemaict geco(n)stitueert en(de) geheel auctoriteit gegeven meester robb(er)te de zage(re)/ meester griffone le febure meester janne de bourgue ende janne goed(er)toys/ diene(r) der vors(creven) constitueerd(er)s en(de) elken bizund(er) alsoe dat e(n)nich van hen/ inder saken begost hadde dat dat dander sal moegen (con)tinue(re)n en(de) voleynden/ Om voe(r) de voirs(creven) eerw(er)dighe h(ere)n te compare(re)n en(de) inder saken va(n) appele/ en(de) beroepe dwelc h(er) geleyn uuten zwane bailliu van aelst ridde(r) tand(ere)n/ tijden gedaen heeft van alsulken vo(n)niss(en) als bijden ma(n)nen vanden hove/ van bierbeke tanderwile gewijst zijn geweest tusschen den edelen wail/ geboiren(en) h(ere)n jacoppen greve te zalmen en(de) der grevi(n)nen zijnre medege/ sellynnen in deen zijde en(de) den voirs(creven) h(ere)n geleyne in dande(re) alle vord(er)ingen/ en(de) t(er)mijne van rechte also verre dat den stedehoude(r) en(de) leenhove(n) voirger(uert)/ aengaet te houden te verwaren en(de) voirt te ke(re)n ten eynde uut vand(er) sake(n)/ en(de) tot der sentencien diffinitijf incluys en(de) alle tgheen te doen des na/ recht d(air) inne behoeft oft behoirt gedaen te werden met alle(n) auctoriteite/ en(de) macht eenen of meer ande(re)n p(ro)cureure(n) te substitue(re)n de welke gelike/ macht in desen zullen hebben Geloven(de) vast gestentich en(de) van weerden/ te houden teeuwigen daghen des bijden voirs(creven) p(ro)cur(eur)s oft heuren gesub/ stitueerden ind(er) voirs(creven) saken gedaen en(de) gevordert sall werden in zulk(er)/ manie(re)n oft de selve stadhuld(er) gedaen ende gevord(er)t sal werden ende/ ma(n)nen aldair tegewoirdich hadden geweest en(de) selve gedaen cor(am)/ tybe burgim(a)g(ist)ro lyemi(n)ghen hoeven scabinis febr(uarii) xxi