It(em) also als ten vervolghe henricks cluwen alse geleidt tot den goeden have/ ende erve gheerds cluppels soen wilen peters met scepen(en) brieven van/ loeven sprekende van eenen halven ryde(r) lijftochten staende ten live des/ voirs(creven) henricks ende jans zijns soens gescr(even) es geweest den meye(r)/ van zichnen oft zijnen stedehoude(r) te moelenbeke hem de selve/ goede te leve(re)n Ende oft gheerd cluppel oft yeman(de) anders dair/ tegen yet seggen of allege(re)n wilde dat hij des tot eenen zeke(re)n rechte/ daghe van rechte mids verstrikene van genechten op heden dienen(de)/ alhier quame in trecht gelijc de brieve dat voird(er) inhielden Ende/ de selve gheerd noch nyeman and(er)s alhier int recht niet comen en/ es ende janne cluwen voirscr(even) alse p(ro)cureur des voirs(creven) henr(icks) zij(n)s/ vaders alhier comende ende trecht versueckende thoenende oic/ certificacie ende resc(ri)pcie vander execucien geschied bijden vors(creven) stadh(ouder)/ vanden voirs(creven) versuecke So hebben de scepen(en) van loeven ter maniss(en)/ tsmeyers gewijst voer een vo(n)nisse so verre des voirs(creven) geleidden/ wed(er)p(ar)tie niet en quame ten opstaene smeyers en(de) van hen datmen/ hem dan houden soude in zijnen voirs(creven) beleide tot zijnen wettige(n)/ gebreke behoef zo verre het noch voer hen comen es cor(am) lye(mingh)[en]/ blanck(aer)t iud(oco) abs(oloens) m(er)cels hoeven lynden m(ar)cii x

Dit zijn de goede inden rechte gelesen en(de)/ dair tvors(creven) vo(n)nisse op geslagen es/ Ierst een block houdende omtrint een boender luttel min oft meer/ gelegen te moelenbeke tusschen de strate die van loeven te halen/ wairt gaet op deen zijde en(de) willems goede van opgeldenake(n)/ in twee zijden It(em) eenen beemd houden(de) omtrint een boend(er) luttel/ min of meer gelegen ald(air) tusschen de strate die van loeven/ te halen wairt gaet in deen zijde en(de) de goede h(ere)njans van/ hugairden des heilichs p(ri)est(er)s priest(er)s in dande(re)