Cont zij allen lieden dat alsoe als die eerwerdighe ende/ eerbe(re) h(er) gielys vranx deken en(de) canonc inder kercken van s(in)[te]/ pet(er)s te loven(e) lodewijc roelofs burg(er)meest(er) te loven(e) meester/ anthoenijs prieste(r) ende jan vyncke ghebruede(r) opden dach van/ heden segg(er)s ende mynlijke yffene(re)n ghecoren sijn van woute(re)n/ vyncke ende woute(re)n van b(er)them den jonghen als mombo(r)en/ der kinde(re)n everarts wijlen van wynghe onder hen daghe/ sijnde die hij hadde van joffrouwe(n) annen rogs sijnre huysvrouwe(n)/ bijden selven wijlen everarde in sijne(n) testamente ghesedt/ ghecoren en(de) ghedeputeert welke kinde(re) de voirs(creven) mombo(r)en op/ hen ghenomen hebben en(de) gheloeft te v(er)vane in deen zijde ende/ meest(er) ja(n)ne vanden walle licenciaet in loye als nu wettich/ man en(de) mombor der voirs(creven) joffr(ouwen) annen rogs die de selve/ meest(er) jan op hem ghenome(n) heeft en(de) oic gheloeft te v(er)vane/ in dander zijde op en(de) van zeke(re)n stoete ende gheschille/ tusschen hen uutstaende uut ocsuyne van dien dat de/ voirs(creven) mombore(n) meynden dat de voirs(creven) meest(er) jan mett(er) voirs(creven)/ joffr(ouwen) annen hen schuldich wae(re)n te v(er)draghene vanden/ regimente der voirs(creven) kinde(re)n en(de) vander a(d)ministracie(n) van/ allen den goeden die de voirs(creven) wijlen everart mette(n) voirs(creven)/ joffr(ouwen) annen ten tijden als sij beide leefden besitten(de) ende/ possesseren(de) waren op hondert rinssche gulden(en) der selver/ joffrouwe(n) annen uut den voirs(creven) goeden jaerlix betaelt te/ wordden alsoe langhe sij leven soude en(de) niet langhe(r)/ evenverre sij tot huwelic toeghe soe sij nu ghedaen heeft/ nae uutwijsen vande(n) testamente des voirs(creven) wijle(n) everarts/ bij hem en(de) bij (con)sente der voirs(creven) joffr(ouwen) annen ghemaect/ welken nochtan niet wederstaen(de) de voirs(creven) meest(er) jan vande(n)/ walle mette(n) selve(n) joffr(ouwen) a(n)nen nu sijnre huysvrouwen da(d)ministracie/ vanden goeden ende tregiment vanden kinde(re)n aenveert/ heeft de rinten en(de) p(ro)fijten daeraf gecomen tot hemwert/ ghetogen Gheloven(de) beyde de voirs(creven) p(ar)tijen vast en(de) ghestentich/ te houden wes de voirs(creven) segghe(re)n daer af uutspreken/ en(de) t(er)mine(re)n souden soe sijn voe(r) scepen(en) van loven(e) gecome(n)/ de selve segge(re)n en(de) hebben huer uutsprake en(de) seggen/ te voe(re)n dbescheit tallen zijden aengehoirt en(de) advijs
//
dair op gehadt uutghesproken ende gheseedt tusschen den voirs(creven)/ p(ar)tijen ind(er) manie(re)n h(ier)na volgen(de) Te weten dat de voirs(creven) mo(m)bo(r)en/ t(er) stont hebben en(de) aenveerden sullen tregiment vanden voirs(creven)/ kinde(re)n en(de) den voirs(creven) meest(er) janne en(de) joffr(ouwen) annen daer af ontlaste(n)/ ende oic hebben sullen ende behoude(n) da(d)ministracie van allen den/ erfgoeden des voirs(creven) wijlen everarts in huysen hoven wynnen(de)/ landen beempden eeusselen bosschen viveren chijsen renten pachte(n)/ met wat name die ghenoemt sijn alsoe verre de voirs(creven) wijle(n)/ everart die in sijnen levene mett(er) voirs(creven) joffr(ouwen) annen houden(de)/ was ende daer uut ghestorve(n) es ende die p(ro)fijten ende/ vervallen die sint den derden daghe van februario lestleden/ ghevallen ende v(er)schenen sijn en(de) voert vallen sullen trecken talle(n)/ tijden ende t(er)mijne(n) als die vallen sullen Behoudelic dat de/ selve momboire(n) en(de) kinde(re) der voirs(creven) joffr(ouwen) annen uut den voirs(creven)/ goeden jaerlix huer leven due(re)nde gheven en(de) betalen sullen/ hondert rinsch gulden(en) in sulker weerden als die ghevalueert/ sullen sijn ende cours hebben sullen ten tijden van betalinghe(n)/ en(de) dat sij die sal heffen los en(de) vrij ombeco(m)mert van e(n)nig(er)/ schult oft lijftochten die de voirs(creven) everart schuldich mocht/ bleven sijn Behoudelic oic der voirs(creven) joffr(ouwen) a(n)nen huer/ tocht in een huys met sijne(n) toebehoirte(n) gheleghe(n) inde mynd(er)brued(er)strate/ acht(er) uutcomen(de) met sijnen stalle inde legestrate Behoudelic oic der/ selv(er) joffr(ouwen) a(n)nen derflich(eit) vand(en) helicht van eene(n) huyse de welke/ sij in hue(re)n weduwen stoele v(er)creghen heeft ghelegen inde muntstrate/ Daer af derflich(eit) en(de) da(d)ministracie vand(er) and(er) helicht den/ voirs(creven) mombo(r)en tot behoef vand(en) voerg(enoemde) kinde(re)n toebehoirt/ ende behouden oic als vanden leengoede(n) die ghecome(n) sijn vander/ zijden everarts voirs(creven) oft in vollen stoele vercreghe(n) dat daer/ af de helicht sal volghen der voirs(creven) joffr(ouwen) annen tot hue(re)r tocht en(de)/ dander helicht den voirs(creven) mombo(r)en tot behoef der kinde(re)n voirs(creven)/ en(de) elc van hen op den helicht vanden laste ende dienste/ ende als vanden leengoeden die de voirs(creven) everart en(de) joffr(ouwe) anne/ te same(n) beseten hebben gecome(n) vander zijden der selv(er) joffr(ouwen) annen/ Dair inne sal de selve joffr(ouwe) anne hebben haer gheheel tocht/ ende bewint alsoe langhe als sij leeft en(de) niet lang(er) opden geheele(n)/ last en(de) dienst bij haer alsoe gedaen te wordden dat derfelicheit/ van dien niet bescadicht en wordde met vurw(er)den dat de voirs(creven)/
//
mombo(r)en uut al den voirs(creven) goeden betalen sullen pete(re)n van steyne(n)moele(n)/ en(de) hem voldoen van sijnre huwelijker vurw(er)den nae inhouden der/ selv(er) sijnre huwelijker vurw(er)den sonder de voirs(creven) hond(er)t rinssche/ gulden(en) die de voirs(creven) joffr(ouwe) anne jaerlix heffen sal en(de) oic sond(er)/ der selv(er) joffr(ouwen) annen oft hue(re)n momboir oft hue(r) ande(re) goede d(air)/ af ghepraemt te wordden in e(n)nig(er) manie(re)n It(em) al eest alsoe dat/ de voirs(creven) joffr(ouwe) anne in hue(re)n weduwe(n) stoele afghequeten heeft/ vanden huyse geheeten den reghenboghe de weerde van eend(er)/ halver croene(n) in div(er)sen chijse met soe vele pe(n)ni(n)gen alsmen/ dat bevinden sal en(de) noch iii croene(n) erfelic aen wille(m)me/ meest(er) jans den pe(n)ninck xviii Soe en sal sij egheen restitucie/ van dien moghen eysschen want de pe(n)ni(n)ghe afgeslagen/ sijn inde rekeni(n)ghe tusschen hen gheschiet ghelijc men na/ bevi(n)den sal It(em) want oic de voirs(creven) joffr(ouwe) anne tot/ huer uuttrect alle de haeflijke goede des voirs(creven) everarts/ soe sal sij daer af betalen den last vanden rantsoene/ arnts wijlen vyncx en(de) der voirs(creven) mombo(r)en en(de) kinde(re)n daer/ af ontlasten It(em) dat de voirs(creven) mombo(r)en der voirs(creven)/ joffr(ouwen) annen restitue(re)n sulle(n) dexequien die ghedaen sijn/ ov(er) truydekene wijlen hue(re)r docht(er) en(de) den sallarijs vanden/ medecijn die huer in huer(en) siecten gheinsenteert heeft/ It(em) o(m)me der voirs(creven) joffr(ouwen) anne(n) meer te verseke(re)n o(m)me jaerlix huer/ voirs(creven) hond(er)t rinssche gulden(en) inder weerden voirs(creven) te heffene en(de)/ te leve(re)n alsoe langhe als sij leven sal ende niet langhe(r) soe/ sal de selve joffr(ouwe) anne in betalinghe(n) van dien heffen ende/ aenverden de rinten en(de) goede h(ier)na bescreve(n) alsoe v(er)re die/ rinten en(de) goede nu en(de) in toecomen(de) tijden hen tott(er) so(m)men/ van hond(er)t rinssche gulden(en) voirs(creven) gedragen en(de) ghestrecken/ Inden yersten eene(n) rinssche gulden(en) erfelic op huys en(de) hoff/ meest(er) jans van wemeldinghe(n) ghelege(n) inde cattestrate It(em)/ eene(n) rinssche gulden(en) erfelic op huys en(de) hoff yden vanden/ putte ghelegen inde craechovenstrate It(em) ii croene(n) en(de) eene(n)/ rinssche gulden(en) erfelic op huys en(de) hof meest(er) claes de/ blijde ghelege(n) inde proefstrate It(em) ii rinssche guld(en) erfelic/
//
op huys en(de) hoff meest(er) jans wellens geleghen inde/ proefstrate It(em) vi cap(uynen) ende x scellinge(n) bov(en) op huys/ en(de) hoff roelofs capelleman gelegen inden nuwen ham/ Ite(m) i(½) croene erfelic op een dach(mael) en(de) xl roeden eeussels/ toebehoiren(de) janne boen te dienen ghelegen te rotsselaer/ Ite(m) ii dordrichsche schilde erfelic op een huys en(de) hoff gelege(n)/ inde borchstrate toebehoiren(de) janne berne(re) It(em) vijff floren(sche)/ gulden(en) erfelic op een huys met sijne(n) toebehoirten toebehoiren(de)/ woute(re)n van ov(er)beke hoemake(r) ghelegen opde groote m(er)ct/ te loven(e) It(em) vi loeven(sche) peet(er)s erfelic op een vrouwe ca(m)me/ geheete(n) den vossensteert gelegen inde bieststrate It(em) eene(n)/ rinssche gulden(en) erfelic op een huys met sijne(n) toebehoirte(n)/ gelegen teghen tcoren huys te loven(e) toebehoiren(de) der docht(er)/ jans gheerlex It(em) viii peet(er)s xii stuv(er)s erfelic op de/ stad van loven(e) It(em) iii rinssche gulden(en) erfelic op een/ huys en(de) hoff vranx h(er)meys ghelegen inde crekelyc/ It(em) een beemdeken metten bog(ar)de ghelege(n) te wiltsele/ ghetaxeert als nu ghelden(de) xiiii stuv(er)s It(em) iii dach(mael)/ beemts ghelegen inde p(ro)chie van rotselair in helicht(er) broec/ ghetaxeert als nu ghelden(de) iii schilde te xiiii stuv(ers) tstuc/ It(em) thuys geheete(n) den struys ghelege(n) inde proefstrate/ ghetaxeert als nu ghelden(de) xv rinssche gulden(en) It(em) ii huyse/ gelegen teghen ov(er) de halle inde proefstrate beyde getaxeert/ als nu ghelden(de) xvi peet(er)s It(em) huys en(de) hoff gelegen inde/ leghestrate daer gielys crauwels inne woent ghetaxeert/ als nu ghelden(de) v rinssche gulden(en) It(em) huys ende hoff/ gelegen inde selve leghestrate daer gielys zoeten inne/ woent ghetaxeert als nu ghelden(de) vi peet(er)s It(em) een/ huys en(de) hoff mett(er) poerten gelegen inde selve strate/ daer meest(er) anthonijs rolin inne woent ghetaxeert als/ nu ghelden(de) vi rijd(er)s It(em) thuys gheheeten den/ reghenboghe gheleghen inde proefstrate ghetaxeert als/ nu ghelden(de) xxiiii(½) rinssche gulden(en) elken rinssche gulden(en)
//
voer xx stuv(er)s gherekent o(m)me die voirs(creven) rinten te heffen(e)/ ende te vuerene en(de) die huysinghe(n) [en(de) beemde(n)] te verhuere(n) en(de) die/ hueringe jaerlix d(air) af met gad(er)s den rinten voirs(creven) te/ treckene tot den voldoene vanden hond(er)t rinssche/ gulden(en) voirs(creven) Behoud(elic) dat de mombo(r)en der voirs(creven)/ kinde(re)n de voirs(creven) huysinge der voirs(creven) joffr(ouwen) anne(n) in/ betalinghe(n) vand(en) selve(n) hue(re)r hond(er)t rinssche gulden(en) ae(n)geseet/ houden sullen in goed(er) rep(ar)acien en(de) alle co(m)me(r) uut/ den selven goeden gaende alsoe in tijts betale(n) alsoe dat/ de selve joffr(ouwe) anne de hueringe van dien huysen los/ en(de) vrij sal moeghen trecken ende oft die hueringe/ in toecomen(de) tijden meer oft myn ghedroeghe dan/ vo(r)e ghenoempt es dat elc den ande(re)n van dien inne/ staen sal tghebrec te voldoene en(de) oft daer ov(er) wiesse/ te restitue(re)n welc seggen en(de) uutsprake de voirs(creven)/ momboe(r) van weghen der voirs(creven) kinde(re)n en(de) de voirs(creven)/ meest(er) jan als momboir der voirs(creven) sijnre huysvrouwen/ renu(n)cie(re)nde in desen de p(ri)vilegie(n) en(de) vrijheid(en) vande(r)/ univ(er)siteyt van loven(e) gheloeft hebben malcande(re)n/ vast ghestentich ende omv(er)breckelic te houden en(de) elc/ den ande(re)n t(er) manissen des and(er)s h(ier)af ghenoech te/ doene tot allen plaetsse(n) daer dat sal moge(n) behoi(r)en/ alsoe dat elken van hen vast en(de) ghenoech sijn moge/ behoud(elic) den testamente voirs(creven) in ande(re)n clausulen ende/ pointe(n) van machte en(de) in sijnd(er) weerde(n) voirtaen hebbe(n)/ gheloeft de voirs(creven) wout(er) vynck en(de) wout(er) van/ berthem mombo(r)en der kinde(re)n everarts wijlen van/ wynghe voirs(creven) soe wanneer de selve kinde(re)n tot hue(re)n/ mondighen daghen comen sullen sijn dat sij dan t(er)/ manissen des voirs(creven) meest(er) jans en(de) desgelijx de voirs(creven)/ meest(er) jan der voirs(creven) joffr(ouwen) a(n)nen sijnre huysvrouwen/ nu absent sijnde in dien te hebben dat sij t(er) manisse(n)/ der voirs(creven) mombo(r)en oft e(n)nighs van hen t(er) eenre en(de) de/
//
voirs(creven) kinde(re) t(er) andre de voirs(creven) uutsprake sulle(n) lauderen/ en(de) ratifice(re)n ende gheloven vast en(de) ghestentich te houden/ en(de) elc den ande(re)n daer af altijt behoirlijke(n) ghenoech te/ doene alsoe v(er)re alst elken van hen aencleven mach sond(er)/ arghelist Bekennen(de) voert dat tusschen hen een/ wettighe rekeni(n)ghe gedaen en(de) ghesciet es van allen den/ regime(n)te der kinde(re)n voirs(creven) en(de) a(d)ministracie(n) der goeden voirs(creven)/ die de voirs(creven) meest(er) jan met joffr(ouwen) anne(n) nae den toeganc/ van hue(re)r beyder huwel(i)c totten derden daghe toe van februario/ lestleden gehadt hebben in welke(n) rekeninghe(n) men dueghdelic/ bevonden heeft dat boven alle last uutgheve(n) en(de) oncoste die/ de voirs(creven) meest(er) jan mett(en) voirs(creven) joffr(ouwen) annen sijnre huysvrouwe(n)/ vande(n) goeden gedaen hebben en(de) afgheslegen de pe(n)ninghe/ die de voirs(creven) joffr(ouwe) anne inde quijtinghe vanden voirs(creven) erfrinte(n)/ in hue(re)n weduwen stoele ghedaen heeft en(de) oic afgheslegen/ sijnen salar(is) van dien de selve meest(er) jan met joffr(ouwen) anne(n)/ sculd(ich) blijft de so(m)me van hondert en(de) lxxxv rinssche guld(en)/ oft daer omtrent elken rinssche gulden(en) voer xx st(uvers) gherekent/ ghelijc de voirs(creven) meest(er) jan dat oppenbaerlic bekint heeft/ welke pe(n)ninghe hij den voirs(creven) mombo(r)en tot behoef der/ voirs(creven) kinde(re)n schuldich es uut te reiken en(de) te betalen(e)/ cor(am) ju(doco) absoloens m(er)sels aug(usti) vii