Item navolgende den vo(n)niss(e) tusschen wille(m)me lobbe aenlegge(r) in/ deen zijde ende janne diericx van dande(re) bij scepen(en) van loeven/ gewesen m(ar)cii xix lestleden om den voirs(creven) wille(m)me met zijnre/ eed te moegen voertvaren ende dair inne te clee(re)n de p(ar)tien van/ ghelde ende wair aen de selve willem die lx rijnsch(en) gulden(en)/ die hij den voirs(creven) janne zeide geleend te hebben geleend hadde/ So heeft de selve willem lobbe op heden gep(ro)duceert om de/ voirs(creven) scleernisse te doen een gescrifte dairaf de tenue(re) hier na/ volght dwelck gedaen zijnde de voirs(creven) jan diericx begheerde/ copie te hebben om dae(re)nteynden dair op te seggen zo hem soude/ moegen dienen Den vors(creven) wille(m)me replice(re)nde en(de) versuecken(de)/ met zijnen eede dair hij met vo(n)niss(e) toe gewesen was te moegen/ voertvaren ende oft jan(ne) diericx dair nae e(n)nighe copie van/ rechte behoirde zo mocht hij dair die volghen om te hebben op/ zinen cost Na dwelke gewijst es dat de voirs(creven) willem/ met zijnre eed voertvaren mach en(de) zijn sake sluyten en(de)/ oft dae(re)nteynden de voirs(creven) jan diericx beg(er)t te hebben dat hij/ die sal moegen hebben tsijnen coste Ende so heeft ten uut(er)sten/ de voirs(creven) willem zinen eed gedaen dat navolgende der cleerniss(e)/ bij hem in gescrifte overgegeven en(de) boven all ontfangh de/ voirs(creven) jan diericx van des de voirs(creven) willem hem geleef geleend/ heeft alnoch sculdich es lx rijnsch(en) gulden(en) te xx stuv(er)s/ elken gulden(e) gerekendt cor(am) abs(oloens) miles blanckaert m(er)cels/ hoeven lynden marcii xxii