It(em) symon vand(er) hofstad ende joffr(ouwe) kat(li)[ne] va(n) halleer sijn wijf/ in p(rese)nc(ia) hebben geloeft en(de) de vors(creven) symon tot dien sole(m)plic/ ten heiligen gesworen bij stave(n)gen mercx crauwels dieneers/ ons gened(ichs) h(ere)n ts(er)toghen in sijnre stad van loeven(e) dat sij t(er) maniss(en)/ jans vand(er) hofstad en(de) desgelijx t(er) manissen willems vand(er) hof/ stad brued(er) des vors(creven) symoens aut alt(er)i[(us)] come(n) sulle(n) voir hoff/ en(de) hee(re) d(aer) afmen die nae geruerde goede houden(de) is ende aend(en)/ vors(creven) ja(n)ne vand(er) hofstad veroblige(re)n en(de) behoirlike(n) in hande(n) sette(n)/ erflike goede te ha(n)nuyt en(de) tev(er)nas geleg(en) weert sijnde bove(n) co(m)m(er)/ d(aer) voe(r) uutgaen(de) alsulke laste(n) sculden en(de) lijftochte(n) als de selve/ jan tot hemw(er)t genome(n) heeft te dragene en(de) te betalene beg[r]epe(n)/ en(de) gespecificeert in eene(n) tractate tusschen den voirs(creven) symoene met/ sijnre huysvrouwe(n) en(de) ja(n)ne vand(er) hofstad gepasseert xv daghe/ in aprille lestleden voirleden Ende de vors(creven) jan vand(er) hofstad/ heeft geloeft de vors(creven) vestich(eit) hebben(de) dat hij de vors(creven) aenge/ nome(n) lasten van sculden va(n) lijftochte(n) inden vors(creven) tractate beg(re)pen/ v(er)nuegen en(de) betalen sal beide int p(ri)ncipael en(de) acht(er)stellige(n) ende/ jaerlike renten h(ier) nae v(er)schinen(de) en(de) die bi(n)ne(n) eene(n) ja(r)e naestcomen(de)/ volcomelic betalen de sculde(n) en(de) de lijftochte(n) aflegge(n) en(de) quite(n)/ also dat nyema(n)t inden selve(n) sculden oft lijftochte(n) v(er)bonden be/ scedicht noch belast noch gepraemt en sal worde(n) En(de) heeft/ de selve jan geloeft dit te voldoene op eene(n) banduyn va(n)/ vijftich rinsch gul(den) tot behoef ons gened(ichs) he(re)n oft and(ere)n he(re)n/ d(aer) onder hij va(n) desen gebreclijc sijnde bevonden sal worden/ en(de) desgelijx oic t(er) vors(creven) plaetsen den vors(creven) wille(m)me insgelijx/ te v(er)oblige(re)n en(de) behoirlic nae recht in handen te sette(n) zekere/ erfgoede ter vors(creven) plaetsen geleg(en) weert sijnde bove(n) alle co(m)m(er)/ d(aer) vore uutgaen(de) ix mudden corens d(er) mate(n) vand(er) plaetsen/ d(aer) die goede geleg(en) sijn En(de) heeft geloeft die vors(creven) symoen
//
met sijnre huysvrouwen vors(creven) de voirs(creven) pointe(n) beide aen janne vand(er)/ hofstad en(de) aen wille(m)me vand(er) hofstad te voldoene gelijc vors(creven)/ steet op eene(n) banduyn van vijftich leewen tot behoef ons/ gened(ichs) h(ere)n ts(er)toghen oft and(ere)n he(re)n d(aer) ond(er) de selve symoen van/ desen gebreckeliken sijnde bevond(en) sal worden cor(am) blanckaert/ linden aprilis xix