It(em) want jan pauwels juwelier die bij machte van scepen(en)/ brieve(n) van loven(e) ghemaect ende ghepasseert januarii xvi int/ jair xiiii[c] lvii voir sijn wettich ghebreck van eene(n) rijder lijft(ochte)/ tot sine(n) live come(n) ende gheleyt es onder den ande(re)n tot allen den/ goeden have en(de) erve jans wijlen van boemale gheheeten smet/ soe wair die ghelegen sijn hadde doen dach doen marien van kesselle/ weduwe des voirs(creven) wijlen jans ende claese van boemale hue(re)n zone/ die hem ongebruyck deden vanden voirg(eruerde) goiden aen de goide h(ier) nae/ besc(re)ven ende hen dach doen doen op heden als op verstreken(en) daghe(n)/ ald(aer) de voirs(creven) weduwe noch huer sone noch ande(re) van hue(re)n weghe(n)/ gecome(n) noch gecomp(ar)eert en sijn Soe hebben de scepen(en) van loven(e)/ t(er) manissen smeyers ghewijst voir een vo(n)nisse wair de voirs(creven)/ p(ar)tije niet en quame ten opstane smeyers ende van hen datmen/ den voirs(creven) janne vanden selve(n) goeden houden sal inde macht van sine(n)/ beleyde soe verre dat noch voir hen come(n) es p(rese)ntibus om(n)ibus/ scab(inis) dempto d(omi)no jacobo ex lyemi(n)ge(n) april(is) ultima

Dit zijn die goede dair af vore mentie gemaect es/ yerst iii(½) rijd(er)s erf(lic) op een vrouwe ca(m)me met allen hue(re)n toebehoirte(n)/ des voirs(creven) wijlen jans van boemale ghelegen opden blauwenputte/ dair aen dat de voirs(creven) weduwe ongebruyck doet/ It(em) de voirs(creven) vrouwe ca(m)me ghelegen als voe(r) dair aen de selve/ claes ongebruyck doet