Item na dien dat jan cloet goird pasteel henrick van zoerle jannes clyssen/ custe(r) van nuwerode jan keel ende willem feyt inden name en(de) van weghen/ des dorps van nuwerode dair toe gelast in deen zijde en(de) jan wiggher/ in dande(re) comen zijn voe(r) den raide vander stad van dat de vors(creven) vande(n)/ dorpe van nuwerode meynden dat de voirs(creven) jan wigger als ingeseten/ desselfs dorps sculdich wa(r)e met den ande(re)n ingeseten(en) gelijc hen te/ contribue(re)n en(de) de laste te hulpen draghen van alsulken gedinghe als/ tvors(creven) dorp gehadt en(de) beleidt heeft tegen jonck(er) henricken wilen va(n)/ schoenhoven alse vander heyden van nuwerode voe(r) de he(re)n p(re)sident en(de)/ raide m(ijns) gened(ichs) h(ere)n tshertoghen te bruessel reside(re)nde Dairaf de
//
voirs(creven) jan wiggher de contrarie meynde seggende dat hij voe(r) de vo(n)niss(e)/ en(de) hangende tgedinghe voer ende na wederseeght heeft den ghenen/ die dbewynde hadden vanden beleiden des gedinghs voirs(creven) te vueren/ dat hij inden selven gedinghe niet te doen en woude hebben noch d(air)aen/ wynnen noch verliesen noch medegelden en(de) dairaf boed hij den eed/ te gheven en(de) te nemen Ende na dien dat de ghene tot den welken/ hij den eed deylde hem den eed overgegeven hadde en(de) de selve jan/ wigg(er) zijnen eed gedaen heeft also hij dien voergeleeght voergedeilt/ heeft so es getermineert dat de selve jan wigger vand(er) vors(creven)/ contribucien ongehouden sal zijn cor(am) duffle sub(stitu)[to] burg(imagistro) tybe/ burg(imagistro) et aliis in pleno consilio maii vi