It(em) jan oliviers gheheeten mathijs zone wijlen henricx wonen(de) te herent/ heeft ghenome(n) ende bekent dat hij ghenome(n) heeft van janne boxhoren/ na(tur)lick zone h(ere)n jans wijlen boxhoren rydd(er)s alle alsulke wynnen(de) lande/ die de selve jan boxhoren ligghende heeft inde p(ro)chie van herent/ ghelijkerwijs de selve wijlen henrick mathijs de selve goide eene(n)/ t(er)mijn van jairen in helicht wynninghe(n) ghehouden heeft Te houden(e)/ ende te hebben(e) van halff merte lestleden eene(n) t(er)mijn van xii jaire(n)/ langk due(re)nde deen nae dande(r) zonder middel volghende elcx jairs/ dae(re)nbynnen voe(r) ende o(m)me de helicht van allen den vruchten die/ jairlix opde selve lande wassen sullen Opde condicie(n) ende vurw(er)den h(ier)/ nae besc(re)ven inden yersten dat de voirs(creven) wynne de voirs(creven) lande wel/ en(de) loflick wynnen werven ende mesten sal ghelijck regenoten boven/ ende beneden ende trogghe lant o(m)me doen op vier getijdige voren/ It(em) alsmen tcoren bynde(n) sal dan sal de voirs(creven) jan boxhoren ald(aer) senden/ eene(n) bode o(m)me tcoren opt velt ghelijck te deylen(e) ende de wyn sal/ des voirs(creven) jans coren vue(re)n jairlix in sijn schuere zond(er) cost desselfs/ jans boxhoren It(em) alsmen des voirs(creven) jans boxhoren coren dersschen sal/ dan sal de voirs(creven) wynne den dersschers den montcost gheve(n) en(de) de voirs(creven)/ jan sal de dachue(re)n betalen ende de selve wyn sal hebben de/ crinssen ende dair voe(r) sal hij jairlix den voirs(creven) janne leve(re)n tsine(n) huyse/ te loven(e) viere busselen stroes It(em) sal voort de voirs(creven) wynne schuld(ich) sijn/ de voirs(creven) goede te beheymen(e) ende te bevreden(e) ende desgelijx de straten aen/ de selve goede liggen(de) te houden(e) en(de) te maken(e) sonder cost des voirs(creven) jans/ boxhorens It(em) de voirs(creven) wyn sal jairlix den voirs(creven) janne leve(re)n alsoe/ vele bantstroe als hij jairlix behoeve(n) sal sijn wijng(ar)de mede te bynden(e)/ ende sal de selve wyn te wijntijde schuldich sijn de wijbesien van jans/ voirs(creven) wijng(ar)de met sine(n) wagen(en) en(de) p(er)den tot sine(n) huyse te leveren(e) den/ voirs(creven) t(er)mijn due(re)nde Ende desgelijx sal de selve wyn jairlix den/ voirs(creven) t(er)mijn due(re)nde den voirs(creven) janne boxhoren met sijne(n) huysgesynne/ vueren tot wesemale bedev(er)t ende dan sal de selve wyn jan den voirs(creven)/ wynne den montcost gheve(n) cor(am) m(er)sels lynden maii xxiii