It(em) nae dien dat comen sijn voir den raide vander stat joes groethoet/ in deen zijde ende jan trauwant in dande(re) alse van eenen p(er)te dat/ de voirs(creven) jan trauwant teghen den voirs(creven) joese ghehuert hadde ende/ de selve trauwant dair mede uutgheweest es neghen maent ende/ nu wedercome(n) es zonder tpert weder o(m)me te bringhen(e) alsoe dat tussche(n)/ hen questie was beyde vanden prijse vanden p(er)de ende oick vander hue(re)n/ Soe es ghet(er)mineert tusschen spreken van p(ar)tijen dat de voirs(creven) jan trauwant/ den voirs(creven) joese sijn voirs(creven) pert verghelden sal t(er) estimacien vanden ghene(n)/ die tpert te voren kinden ende voir den breydel sporen ende leersen die/ hem gheleent wa(r)en eene(n) rinssche ende voir die huere sal hij betalen/ ten tijt van eenre maent te weten(e) elcx sdaghs ii(½) stuv(er)s actu(m) cor(am)/ duffle viceburg(imagistr)[o] et aliis de (con)silio maii xxv