Item jan vander straten ten bijzijne ende met consente machtilden edelhe(re) zijns/ wijfs ter eenre zijden jan vander straten soen svoirs(creven) jans lijsbeth vand(er) strate(n)/ dochter desselfs jans inden name van hair selven en(de) van wegen jans/ arnds en(de) lijsbetten spapen heurer wettig(er) kynde(re)n onder heur dage wesen(de)/ die zij heeft behouden van wilen janne de pape heuren iersten ma(n)ne nu/ absent zijnde en(de) die zij hier inne gelooft heeft te vervaen met (con)sente/ arnds herdans heurs mans ende katline vander straten dochter des vors(creven)/ jans svaders ende zust(er) svors(creven) jans des jonghen en(de) lijsbetten met (con)sente/ en(de) [ten] bijzijne bastijns vanden bossche heurs wettichs mans ter ande(re) Sijn/ met malcande(re)n voer hen ende heuren nacomelinghen eensworden der/ poenten hier na bescreven die zij gelooft hebben tot eeuwighen dagen tonder/ houden Te weten dat de voirs(creven) jan vander straten de vader met (con)sente/ zijns wijfs ter stont den voirs(creven) zinen kynde(re)n overgheven sal en(de) ov(er)gheeft/ alle en(de) yegewelcke erflike goede in huysen hoven wynnen(de) landen beemden/ eeusselen bosschen tsijze ende rinten die hen bleven ende verstorven zijn/ na ende vander doot lijsbetten wilen voelkens ierste wijfs des vors(creven) jans
//
ende moeder der voirs(creven) kynde(re)n vander straten ende die hen oic na de doot/ desselfs jans vander straten heurs vaders toecomen souden moegen in/ e(n)nigher manie(re)n It(em) zullen den selven kynde(re)n vander straten oic volgen/ na de doot des voirs(creven) heurs vaders een bedde van ix vierdelen en(de)/ een bedde van thien vierdelen vier ee(re)n potte een ee(re)n panne een/ grote scrijne een cleyn voeten scrijnken een scapree eenen eyckenen/ dysch en(de) een eycken tafele ende voertaen alle de have die hij met/ zinen yersten wive besat ende onv(er)thiert zijn Ende ter ander/ zijden hebben de voirs(creven) kynde(re) vander straten gelooft en(de) op hen/ genomen te betalen de schulden des voirs(creven) jans svaders hier/ na volgende te weten de bede ende last vander nurode heyden/ It(em) de schout die hij sculdich es goirde vander straten It(em) aen der/ vrouwen pannesteert eenen rijnsch(e) gulden(e) It(em) aen janne de/ briede(re) te nurode vi stuv(er)s It(em) heef hebben voert gelooft de vors(creven)/ p(er)sone ongesundert den vors(creven) heuren vader te betalen jairlicx/ zinen leefdach langh en(de) niet langher drie mudde en(de) zess/ halst(ere)n rogs een half mudde erweten xvi moel(evaten) ghersten all der/ maten van loeven goed en(de) payabel iii(½) hollan(sche) gulden(en) te xvi st(uvers)/ tstuck vii(½)[c] mutsaerts van nuwerode tsijnre woenstat te leve(re)n tot/ vier t(er)mijnen tsjaers te weten deen vierdel te uutgang meye dand(er)/ vierdel tuutganghe oeghst tderde vierdel tuutganghe november/ en(de) een vierdel tuutganghe febr(uari) quo(li)[b(et)] ass(ecutu)[m] It(em) sal de voirs(creven)/ jan de vader zijnen leefdach langh met zijnen wive hebben gaen/ ende staen zitten ende ligghen in zijn huys dair hij nu inne woend/ te nuwerode aenden kerchof gelegen en(de) ongehouden zijn die te houde(n)/ van wande dake ende rep(ar)acien maer zullen de voirs(creven) kynde(re) die in/ redeliker rep(ar)acien moeten houden It(em) zullen de voirs(creven) vader en(de) kynde(re)/ alle dooft int voirs(creven) hof jairlicx wassende half ende half deylen/ en(de) de vader sal ongehouden zijn dat ter eerden te leve(re)n It(em) zullen/ zij den voirs(creven) vader jairlicx op heuren cost besayen een halster/ lijsaets en(de) des sal de vader den zaet leve(re)n It(em) en sal de vors(creven)/ vader op de voirs(creven) goede gheen berhout noch ander moeghen afhouwe(n)/ zonder consent vanden voirs(creven) kynde(re)n cor(am) hoeven lynden maii xxvii