Allen den ghenen (et)c(etera) doen te weten(e) dat opden dach van/ heden voir ons come(n) es in p(ro)p(er)en p(er)sone arnt bloems zone wijlen/ arnts wonen(de) te wiltssele ende heeft met sijne(n) vryen eyghenen/ wille gheconstitueert ghesedt ende volcome(n) macht ghegeven henricke/ truydens sijne(n) behouden soude o(m)me alle die [en(de) yegewelke] goide ende p(ro)fijte(n) der/ selv(er) chijsen renten vervallen en(de) schulden den voirs(creven) arnde bloems/ toebehorende te loven(e) te rotsselair te wiltsele te herent te weesemael/ te pelleberch en(de) eslwair bynne(n) den lande van brabant ghelegen/ ende men hem schuldich es oft naemaels wesen sal te rege(re)n te/ mane(n) teysschen op te bue(re)n ende tontfangen aen wat goiden oft p(er)sone(n)/ oft te wat steden oft plaetssen dat dat sijn mach dair voe(r) te/ panden te daghen(e) te beleyden(e) ende rastamente(n) te doen leggen(e) oft/ and(er)ssins soe dat nae recht vand(er) plaetssen dair dat behoe(re)n/ sal oft behoeve(n) soude moghen te p(ro)cede(re)n Ende op dats noot/ ghebuerde voir alle richte(re)n gheestelick oft weerlick met/ rechte te v(er)volgen(e) te verantw(er)den(e) te bescudden(e) en(de) te bedingen(e) die/ te wynnen(e) ende te verliesen(e) composicie en(de) mynlijke yffeninghe d(air)/ af te maken(e) den schulde(re)n van des hij ontfangen sal quijt te/ schilden(e) en(de) quitan(cie) te gheven ende de omberuerlijke goide des/ voirs(creven) arnts eene(n) t(er)mijn van drie jaire(n) uuttegheven(e) te v(er)pachte(n)/ en(de) te verhue(re)n Ende voirtaen g(e)n(er)alick en(de) sp(eci)alick allet ghene dair/ inne te doene ende te vorderen(e) dat de voirs(creven) arnt selve soude moge(n)/ doen waert dat hij tegew(or)dich ende voir oighen wa(r)e P(ro)mittens/ rat(um) due(re)nde (et)c(etera) cor(am) tybe viceburgimagi(str)o blanck(aer)t iu(doco) absol(oens)/ scab(inis) sept(embris) vi[ta]