It(em) alsoe als goessen vanden veere anderwijle te pachte ghenome(n)/ heeft teghen den eerw(er)dighen hee(re) h(ere)n gielijse vranx vijsdeken der kercken/ van sinte peet(er)s te loven(e) sijn hof gheleghen ten berghe metten beempde(n)/ eeusselen ende allen sijne(n) toebehoirte(n) eene(n) zeke(re)n t(er)mijn langk noch due(re)nde/ alsoe de voirs(creven) goessen seyde van m(er)te naestc(omende) ov(er) ii jair Te weten(e)/ thoff t(er) helicht ende de beempde ende eeussele voir xx g(ri)pe(n) tsjaers/ En(de) voirt op zeke(re) vurw(er)den en(de) condicie(n) inde(n) pechtinghe brieve voir/ scepen(en) van loven(e) tussche(n) hem in deen zijde ende den voirs(creven) h(ere)n gielijse in/ dand(ere) ghemaect v(er)clairt ende beg(re)pen Soe es come(n) voir scepen(en) van loven(e)/ jan vanden veere zone des voirs(creven) goessens ende heeft ov(er)ghenome(n) ende/ bekint dat hij ov(er)ghenome(n) heeft vanden voirs(creven) goessen(e) sijne(n) vad(er) de voirs(creven)/ goede Te houden te hebben ende te wynne(n) ende te ghebruycken van/ halff m(er)te naestcomen(de) den t(er)mijn vanden voirs(creven) twee jair langk due(re)nde/ op alle en(de) yegewelke vurw(er)den ende (con)dicie(n) die hij goessen voirs(creven) nae uut/ wijsen vanden voirs(creven) pechtinghebrieve sculd(ich) soude sijn te doene en(de) te dragen(e)/ zond(er) arghelist Gheloven(de) de voirs(creven) goessen de voirs(creven) goede den voirs(creven) janne/ sijne(n) zone te doen volghen en(de) te ghebruycken den voirs(creven) t(er)mijn uut Ende/ desgelijx heeft ghelooft de selve jan weder o(m)me den voirs(creven) h(ere)n gielijse ende/ goessen(e) aut alt(er)i alle ende yeghewelke vurw(er)den en(de) condicie(n) voire(n) gheruert/ te ghelden ende te draghe(n) ende den selve(n) goessen(e) dair af aenden voirscr(even)/ h(er) giel(ijse) schadeloes te houden en(de) tontheffen cor(am) eisd(em)