Want he(r) jan de hollande(re) prieste(r) als geleydt na de hoghe/ heerlich(eit) ons liefs gened(ichs) he(re)n tsh(er)togen en(de) den rechte zijnre/ stad van loeven(e) tot allen den goeden have en(de) erve bastijns ende/ gh(eer)ts jorijs geheeten de pruppe(re) en(de) willems starcke sone wilen stevens/ soe wair die belegen zijn en(de) insgelijcx tot den goeden henr(ix) leema(n)s/ ty(m)mermans binnen loeven(e) geseten opden xxiii[ten] dach van septemb(ris)/ lestleden hadde doen besc(ri)ven en(de) dach van rechte doen de voirs(creven)/ p(ar)tien dat zij hande lichten souden vand(er) voirs(creven) goeden oft alhier/ te rechte compa(rer)en jegen den voirs(creven) he(re)n ja(n)ne Tot welk(er) daghe/ noch tot den daghe van heden egheene d(er) p(ar)tien voirs(creven) comen/ noch gecomp(ar)eert en zijn den voirs(creven) he(re)n ja(n)ne altijt rechts/ v(er)suekende ende v(er)wachtende Soe hebben de he(re)n scepen(en) va(n) loeven(e)/ ter manissen smeyers aengehoirt de(n) bode dexecucie gesciet te zijne/ gewijst voir een vo(n)nisse datme(n) den voirs(creven) he(re)n ja(n)ne vand(en) voirs(creven) goed(en)/ houden sal inde macht van zijne(n) beleyde voirs(creven) soe v(er)re dat alnoch/ voir hen come(n) is cor(am) o(mn)ib(us) scabinis in scampno oct(obris) vii