It(em) es tusschen den voirs(creven) p(ar)tijen te beyden zijden clairlick bevurw(er)t ende/ ondersproken dat de huerlinghe van elcx ghedeelte der voirs(creven) goeden sijn/ hueringhe behouden sal op alle besproke(n) vurw(er)den sijne(n) t(er)mijn uut due(re)nde/ Ende t(er) stont die verstreken sijnde sal eenyeghelijck van hen de voirs(creven)/ doren soe verre hij dair inne ghehouden es dair van ind(er) voirs(creven)/ deylinghen mencie ghemaect wordt toe vermaken ende niet eer/ Met vurw(er)den oick dat de voirs(creven) meest(er) pet(er) tghebruyck gheheel/ vanden kelde(r) staen(de) onder tgroothuys des voirs(creven) pet(er)s vanden dale/ van sinte jansmisse lestleden ov(er) vier jair hebben sal ende behouden/ zond(er) wedersegghen des voirs(creven) pet(er)s zond(er) arghelist cor(am) eisd(em)