Allen den ghenen (et)c(etera) doen te weten dat de h(ere)n deken(en) en(de) cap(it)l(en)/ der kercken van sinte pet(er)s te loven(e) inden name en(de) van weghen der selver/ cap(it)len hebben gheordineert ghestelt ende ghemaect ende met des(er) l(etter)en/ ordine(re)n stellen ende maken hue(re)n p(ro)cur(eur) ende voirgange(r) meest(er) claese va(n)de(n)/ putte canonck ind(er) selv(er) kercken in allen hue(re)n saken gheschillen en(de) bed(er)ve(n)/ die sij van weghen der selv(er) cap(it)len te doen hebben oft naemaels hebbe(n)/ zullen in aenlegg(er)s oft v(er)weerd(er)s stad hoedanich die sijn Ghevende/ en(de) v(er)leenen(de) de selve (con)stitueerders den voirg(enoemde) hue(re)n p(ro)cur(eur) volcome(n) macht/ auctoriteyt ende zunderlinghe beveel alle de selve saken met rechte te v(er)wa(r)en/ te bescudden te vervolghen ende te bedinghen tallen plaetssen en(de) gherichte(n)/ en(de) teghen eenenyegelijken dair dat behoeven sal moghen ende desgelijx/ o(m)me der selv(er) cap(it)len heerlicheyd(en) chijsen rinten pachten p(ro)fijte(n) v(er)vallen
//
en(de) ande(re) schulden diemen h nu schuldich es oft naemaels wesen sal/ Te manen teysschen opte bue(re)n ende tontfanghen den schulde(re)n van/ sijne(n) ontfanghe quijt te schilden(e) ende quitan(cie) te gheven(e) dair voe(r)/ te panden(e) te daghen(e) ende rastamente te doen leggen(e) composicie/ en(de) mynlijke yffeninghe dair af te maken(e) Ende alle der selver/ cap(it)len goede hoedanich die sijn te v(er)hue(re)n [en(de)] te verpachte(n) Ende oick/ de selve chijse rinten v(er)vallen ende schulde(n) met rechte te vervolgen/ en(de) te bedingen Die te wynnen en(de) te verliesen tallen plaetssen en(de)/ voir alle gherichten dair dat behoeve(n) en(de) te doen sal wesen Ende/ alle pointen ende ar(tic)[len] van rechte dair toe te vorde(re)n die nae recht/ oft costume vanden plaetssen dair dat gebuert beho(r)en mogen en(de) den/ voirs(creven) p(ro)cur(eur) orberlick duncken selen P(ro)mitt(entes) rat(um) cum (com)putacione et/ revocacione wynghe burg(imagistr)[o] oppend(orp) hanck(ar)t scab(inis) oct(obris) xxiiii