Item bauduin ras die op heden aldair h(er) ingelbrecht va(n) ghel/ denaken bescreven hadde op zijn mesgrijp te comen voir den/ rade vander stad metten tweesten brieve om deswille dat hij/ over jan cabo zijne(n) ondersete dien zeke(re) vo(n)nisse(n) aldair jege(n)/ comen waren ende niet den voirs(creven) bauduine gheen execucie/ van rechte en heeft willen doen wat v(er)volge de voirs(creven) bauduin/ dair om aen hem gedaen heeft Aldair de voirs(creven) her ingelbrecht/ bailliu te gheldenake(n) niet comen en is noch bode gesonde(n) en/ heeft Heeft de continuacie des voirs(creven) bailliuws geaccuseert/ om hem dat te moegen dienen inden rechte als hij des be/ hoeven sal moegen cor(am) wynge burg(imagistro) dec(embris) ultima