It(em) henric vand(er) eect sone wile(n) dierix en(de) henric va(n) boesschot sone/ wilen wout(er)s beide wonen(de) inde p(ro)chie va(n) sinte peet(er)s rode t(er) plaetsen/ geheten tgehuchte ond(er) de meyerie va(n) zichnen hebben geloeft ongesu(n)dert/ en(de) onve(r)sceiden en(de) een voir al joffrouwe maghdaleene(n) lonijs weduwe/ dierix wilen van langrode en(de) g(er)meyne van meld(er)t hue(re)n behouden/ sone oft den eene(n) van hen bring(er) sbriefs alse vande(n) scaerhoute va(n)/ eene(n) stuc bosch d(er) vors(creven) weduwen toebehoe(re)nde gelege(n) inde kyebrugge/ neghen rinsch gulden(en) te weten twintich stuv(er)s voir elke(n) rinsch gulden(en)/ en(de) iii pl(a)c(ken) brabants payments voir elke(n) stuv(er) gereke(n)t half van/ hede(n) ov(er) een jair en(de) dand(er) helicht te kersmisse d(aer) nae te betalen en(de)/ telke(n) t(er)mijne als v(er)volghde schout met sulk(er) vurw(er)d(en) en(de) (con)dicie(n) dat de/ vors(creven) sculders opde grechte(n) vande(n) vors(creven) bossche sulle(n) late(n) stae(n) alle/ dopgaen(de) eyken die d(aer) nu staen en(de) d(aer) toe noch tweelff laeteyken/ vande(n) nuwen houwe cor(am) borchove(n) hanck(ar)t sept(embris) ix