Cond zij alle(n) lieden dat h(er) jan de groeve prieste(r) capellaen d(er) kerke(n) va(n)/ sinte peet(er)s te loven(e) in p(rese)nc(ia) d(er) scepen(en) van loven gestaen heeft v(er)huert/ en(de) beki(n)t dat hij v(er)huert heeft ja(n)ne reynaert geheete(n) pappaert/ wonen(de) te kercke(m) i(n)t paenhuys des vors(creven) h(er) jans geheete(n) den wildema(n)/ gelegen te nuwenweeghe ond(er) bout(er)she(m) mette(n) kuype(n) ketele(n) bru/ vaten d(aer) toe behoe(re)nde met gad(er)s den hove schue(re)n stalle(n) huysinghe(n) en(de)/ met eene(n) bloke lants d(aer) toe behoe(re)nde en(de) and(ere)n toebehoerte(n) gelijc/ de selve goede den vors(creven) ja(n)ne reynaert ald(aer) bewese(n) sijn in dese(n)/ uutgesceide(n) tdofhuys mette(n) sulde(re) ond(er) den selve(n) dufhuyse/ geleg(en) d(aer) inne de vors(creven) jan reynaert egeen recht en behult/ Te houden en(de) te hebbe(n) va(n) kersmisse naestcom(ende) eene(n) t(er)mijn va(n) drie/ ja(r)en lang due(re)nde deen nae dand(er) sond(er) middel volgen(de) Elcx/ jairs dae(re)n bynne(n) voe(r) en(de) o(m)me xvii guld(en) te x stuv(er)s stuc half/ s(in)[t] jans(misse) en(de) half te kers(misse) te betalen den vors(creven) h(er) ja(n)ne jairlix de(n)/ vors(creven) t(er)mijn due(re)nde en(de) noch jairlix de(n) selve(n) t(er)mijn due(re)nde/ o(m)me iiii ame(n) biers den hee(re) va(n) rotselair [bout(er)shem] te betale(n) en(de) telken/ t(er)mijne als v(er)volghde schout Opde vurwerd(en) en(de) (con)dicie(n) h(ier) onder/ bescr(even) inden ierste(n) dat de vors(creven) ja(n) reynaert alle jare ten behorlike(n)/ tijden in afslage va(n) sijnd(er) hueri(n)ge(n) gelde(n) en(de) betale(n) sal allen den chijs/ co(m)m(er) pacht en(de) last uute(n) [vors(creven)] goede(n) gaen(de) en(de) dat also in tijts en(de) in uren/ dat de vors(creven) h(er) jan noch sijn vors(creven) goede d(aer) va(n) egeen scade hebbe(n)/ noch lide(n) en sulle(n) in geenre manie(re)n It(em) dat de vors(creven) jan reynaert/ op sine(n) cost alle ja(r)e den vors(creven) t(er)mijn due(re)nde den vors(creven) h(er) ja(n)ne oft/ den gheene(n) die(n) h(er) ja(n)ne gelieve(n) sal ind(er) vors(creven) ca(m)men bruwe(n) sal/ drie biere elc bier va(n) vi ame(n) d(aer) toe dat de vors(creven) h(er) jan/ oft de gheene die va(n) sine(n) wegen dbier aenveerde(n) sullen tcore(n)/ tgrein en(de) de vate(n) d(aer) toe behoe(re)nde leve(re)n sulle(n) It(em) dat de/ vors(creven) jan reynaert de huyse vanden vors(creven) goede(n) op sine(n) cost/ houden sal vand(er) ond(er)ster rikelen ned(er)wert in goede(n) state en(de)/ rep(ar)acie(n) en(de) desgelijx houde(n) totte(n) selve(n) sine(n) coste en(de) laste de vors(creven)/ cuype(n) ketelen en(de) vate(n) wat(er)vast en(de) tot sine(n) afsceid(en) die also/ late(n) It(em) soe wa(n)neer [men aen oft] opde vors(creven) huysinge [iet] dect werct ty(m)mert/ oft plect d(aer) af sal h(er) jan de dachue(re)n betale(n) en(de) ja(n) sal die/ v(er)legge(n) in afslage van sijnre hueri(n)ge(n) en(de) alsd(an) sal de vors(creven)/ jan den wercliede(n) den montcost geve(n) en(de) desgelijx leve(re)n teenen/ vitselroeden en(de) dackroeden dieme(n) ald(an) behoeve(n) sal En(de) alle/ dese vurw(er)d(en) geluften en(de) (con)dicie(n) hebbe(n) geloeft de vors(creven) p(ar)tije(n)
//
den vors(creven) h(er) ja(n)ne renu(n)cie(re)nde de p(ri)vilegie(n) en(de) vriheid(en) vand(er) univ(er)siteit/ van loven en(de) alle ande(re) malcande(re)n geloeft vast geste(n)tich en(de) omver/ brekelic te houden en(de) te voldoene talle(n) tijde(n) en(de) t(er)mijne(n) als die vallen/ en(de) v(er)schine(n) sulle(n) q(uolibet) ass(ecutu)[m] cor(am) opp(endorp) hanck(ar)t sept(embris) xii