SAL8145, Akte: R°36.2 (64 van 588)
Akte R°36.2
Act
Datum: 1478-07-30
Transcriptie
2021-02-02 door Pieter SoeteweyIt(em) t(er) meerder vestich(eyt) den voirs(creven) h(ere)n symone ende symone te doene va(n) svors(creven) es/
soe sijn bij handen jans lenaerts vorst(er)s te lov(ene) den voirs(creven) h(ere)n symone/
tot behoef als voe(r) in handen ghesedt ende verobligeert voir tvoldoen der/
voirs(creven) rinten de juweelen h(ier) nae besc(re)ven inden yersten twee zilve(re) quart/
potten de boorde vergult wegen(de) tsame(n) sesse m(ar)ct est(erlinc)? een half doziene/
zilve(r) schalen staen(de) op voeten de boorde v(er)gult wegen(de) tsamen seven m(ar)ct/
vi once(n) te dyen eynde ghebuerdert den voirs(creven) pensionarijse inde voirs(creven)/
lijft(ocht) oft ind(er) bewijsenissen der selv(er) enich ghebreck te hebben(e) dat sij oft yema(n)t/
and(er)s recht inde selve lijftocht hebben(de) sijn ghebreck aende voirs(creven) juweelen/
verhalen sal moghen ende die met rechte te prijse van juwelie(re)n oft goutsmede(n)/
hen des verstaen(de) vercoepe(n) en(de) ten hoeghste(n) bringe(n) schiet dair yet over/
dat sulle(n) sij wed(er)k(ere)n ende oft dair yet gebuert dat sulle(n) sij en(de) elc van hen/
aen des voirs(creven) jans thijs p(er)soen en(de) sijn ande(re) goede(n) met rechte moge(n) verhalen/
ende oft de voirs(creven) pensionar(ijse) and(er)s dan met v(er)coope der voirs(creven) juweelen/
v(er)nueght waerde(n) soe sal de voirs(creven) h(er) symoen ghehoude(n) sijn den voirs(creven) janne/
thijs de voirs(creven) juweelen wed(er) te keren(e) gelijck hij die ontfanghe(n) heeft cor(am) eisd(em)
Nagekeken door: Lieve Van Hoestenberghe , Jos Jonckheer
Moderator: Greet Stevens
Laatste update:: 2018-09-06 door The Administrator