It(em) nae dien dat machtelt goeboordt docht(er) wijlen jans t(er) eenre/ ende arnt van kesselle zone wijlen gielijs wonen(de) te loven(e) bij janne/ vander borch ter ande(re) comen sijn voir den raide vander stad alse van/ dien dat de voirs(creven) machtelt van hem g(er)ne ontlast hadde gheweest/ van eene(n) kynde gheheeten henneken dwelck sij van hem ghehadt/ hadde ende hem voirghehoude(n) ov(er) vi jaire(n) Soe es van dien ov(er)drage(n)/ en(de) ghet(er)mineert dat de voirs(creven) machtelt tvoirs(creven) kint houde(n) sal een half/ jair langk due(re)nde ende [dat] de voirs(creven) arnt hair alsdan thalf jair leden/ sijnde der selver machtelde(n) gheve(n) sal viere clinckarde [te] xiiii stuv(er)s tstuck/ ende oic den kinde teghen wynt(er) naestcomen(de) eene(n) rock doen maken ende/ tselve halff jair leden sijnde Soe sal de voirg(enoemde) machtelt alnoch gehoude(n)/ sijn tselve kint voirt te houden(e) noch een halff jair vervolgen(de) Ende/ van dan voirts soe sullen de selve arnt en(de) machtelt tselve kint schuld(ich)/ sijn te houden(e) halff en(de) half ten ghelijken coste van eeten(e) drinken(e) clede(re)n/ en(de) schoen Act(um) in pleno (con)silio septembris xvi