It(em) jan hoestoel wijng(ar)de(r) in p(rese)nc(ia) der scepen(en) van loven(e) ghestaen heeft/ ghehuert ende bekent dat hij ghehuert heeft teghen janne van dynter/ wonen(de) int staechert? de veste aende proofstraetpoorte metten wyng(ar)de/ en(de) mette(n) oefte dair op staen(de) in alle alsulker manie(re)n ghelijck m(er)ten/ van beke die ghehoude(n) heeft Te weten van aende poorte tot aende/ middelste splete tusschen jans vanden borchove(n) en(de) willems gans torve/ Te houden(e) ende te hebben van ons(er) liev(er) vrouwen daghe halff oeghste dat was/ int jair xiiii[c] lxxvii eene(n) t(er)mijn van xii jaire(n) langk due(re)nde deen nae dand(er)/ sond(er) middel volgen(de) Elcx jairs o(m)me en(de) voe(r) drie rinssche gul(den) te xx st(uvers) tstuck/ te halff oeghste te betalen(e) den voirs(creven) janne van dynt(er) jairlix den voirs(creven) t(er)mijn due(re)nde
//
quol(ibe)t ass(ecutu)[m] opde vurw(er)den ende (con)dicie(n) h(ier)nae besc(re)ven yerst dat ten lesten jaire/ als den t(er)mijn uutgaen sal dat dan de voirs(creven) jan hoetstoel den wijng(ar)t laten/ sal soe hij nu steet wel ghestaect ende wel ghewracht ten prijse van wercliede(n)/ ende dat de voirs(creven) jan hoestoel jairlix inden wijng(ar)t drie daghe sincken sal/ ende de schelve toesincken ende wel wercken nae wercliede prijse Ende dat/ de selve jan hoetstoel bynne(n) ii jaire(n) naestcomen(de) inden selve(n) wijng(ar)t legge(n)/ sal bij weten jans van dynt(er) voirs(creven) drie bot voeder mest ende den selve(n) wijng(ar)t/ altoes meerde(re)n ende niet mynde(re)n ende altijt wercken ten prijse van wercliede/ It(em) en sal de voirs(creven) jan de voirs(creven) jan hoetstoel egheene vruchtboome(n) moge(n)/ afhouwen te weten(e) appeleers p(e)releers noteleers kriekeleers mispeleers/ pruymeleers nocht opgaen(de) eycken nocht willighen Ende oft e(n)nighe boome(n)/ te dicke stonden die sal jan hootstoel wel moghe(n) uutdoen ende h(er)setten tot/ p(ro)fijte vanden vesten ende oft dair e(n)nighe vanden voirs(creven) boome(n) verdroeghde(n)/ die sal jan hootstoel moghe(n) uutdoen ende voir elken boom wed(er) o(m)me setten/ twee leven(de) poeten vanden selve(n) arde Ende alle dese vurw(er)den gheluften/ghelufte(n) ende (con)dicie(n) voirg(eruert) hebben ghelooft de voirs(creven) p(ar)tijen elck der ande(re)/ vast ghestentich ende van weerde(n) te houde(n) en(de) te voldoen tallen tijde(n) en(de) t(er)mijne(n)/ alst die vallen en(de) verschijne(n) zullen quol(ibe)t ass(ecutu)[m] cor(am) roelofs tybe septemb(ris) xv