Allen den ghenen dat jorijs de hont onse ingheseten poirte(r) en(de) heeft/ gheconstitueert ghestelt en(de) gheordineert sijn p(ro)cur(eur)s en(de) voirgang(er)s pet(ere)n/ vanden berghe h(er) gheerde huyghe(n) prieste(r) meest(er) arnde van paessche(n)/ meest(er) janne van beringhen janne vander eycken janne van cav(er)soen/ romboute van bausselle willem(me) vrancx wonen(de) te thiene(n) woute(re)n/ bonecroy claese boets beyde wonen(de) tantw(er)pen henr(ic) steymans baudewij(n)/ jorijs willem(me) [vacat] wonen(de) te vilvoorde(n) ende gregorijse va(n)/ ghiele knape desselfs (con)stitueerd(er)s en(de) elken besund(er)t in allen sijne(n) saken/ gheschille(n) ende bederve(n) die hij nu uutstaen(de) heeft oft naemaels hebben sal/ moghe(n) in aenlegg(er)s oft verw(er)ders stad hoedanich die sijn gheven(de) en(de) verlen(e)/ de voirs(creven) (con)stitueerder den voirs(creven) sine(n) p(ro)cur(eur)s en(de) elken zunderlinghe thoenre/ des(er) volcome(n) macht p(ro)curacie auctoriteyt en(de) zund(er)linghe beveel de selve/ saken met rechte te v(er)volgen(e) te bescudden(e) en(de) te bedinghen(e) tallen plaetssen en(de)/ voir alle gherichte(n) en(de) teghen eene(n) yeghelijken dair des behoere(n) en(de) te doen/ sal wesen ende desgelijx o(m)me alle des voirs(creven) (con)stitueerd(er)s goede chijse rinte(n)/ pachte(n) v(er)vallen lijft(ochten) en(de) ande(re) schulde(n) te mane(n) teyssche(n) op te bue(re)n inne te/ heffen en(de) tontfanghe(n) dair voe(r) te panden(e) te dag(en) den schulde(re)n van hue(re)n/ ontfanghe quijt te schelden(e) en(de) quitan(cie) te gheven(e) dair voer te panden(e) te dagen(e)/ en(de) rastamente te doen leggen(e) composicie en(de) mynlijke yffeninghe dair af/ te maken(e) scepen(en) brieve(n) te vo(n)nissen en(de) texeque(re)n de selve chijse rinten pachte(n)/ v(er)valle(n) lijft(ochten) en(de) schulde(n) met rechte teyssche(n) en(de) te bedinghe(n) die te wynnen en(de)/ te v(er)liesen thonisse en(de) wairh(eit) te leyden der wed(er)p(ar)tijen getuyghe(n) te sien inde/ hoven swe(re)n die te batte(re)n en(de) te wed(er)legge(n) te replice(re)n te duplice(re)n alsoe/ wael int pr(in)cipael als int accessoir ende alle pointe(n) en(de) ar(ticu)[len] van rechte (et)c(etera)/ et g(e)n(er)a(li)t(er) p(ro)mitt(entes) ratum cu(m) (com)pu(tati)[o(n)e] et revoc(atione) julii x[a]