Nadien dat joes niessuens rijcledervarwe(r) met daneele van haller/ over lang gevolcht hebben voir den rade vander stad ontslagen te/ moegen werden vander borchtocht die zij tanderen tijden gedaen hebben/ voir meeste(re)n janne de nausnydere alse vanden vischassizen te loeven(e)/ dair af de voirs(creven) meester jan alnoch der stad sculdich ende tachter/ bleven is hopende dat hen dat geboere(n) soude na recht ende dat de/ rintmeesters vander stad die hen vander stad wegen hadden doe(n) leyde(n)/ tot den goeden desselfs meester jans de selve goede exeque(re)n soude(n)/ voir al voir dese namelike schout want het de oudste schout wa(r)e/ dair op de rintmeesters seyden dat zij dexecutie vanden voirs(creven) goede(n)/ doen ende nemen souden met ende bij raide vanden he(re)n vander/ stad also waert hier op gesloten ende uutgesproken dat doutste/ schout voir gaen soude ende sculdich wairt voe(r) te gane actu(m) in/ pleno (con)silio junii xxv